ରାଇରଙ୍ଗପୁର: ବାଇକକୁ ପିଟିଲା ଅଜଣା ଟ୍ରକ । ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଗ୍ରାମାଞ୍ଚଳ ଥାନା ଅନ୍ତର୍ଗତ ଦାମୁଡିଗୋଡା ଗ୍ରାମରେ ଘଟିଛି ସଡକ ଦୁର୍ଘଟଣା । ଏହି ଦୁର୍ଘଟଣାରେ ଜଣଙ୍କର ମୃତ୍ୟୁ ଘଟିଥିବା ବେଳେ 2ଜଣ ଗୁରୁତର ଆହତ ହୋଇଛନ୍ତି । ମୃତକ ଯୁବକ ହେଲେ ରାଇରଙ୍ଗପୁର ଗ୍ରାମାଞ୍ଚଳ ଥାନା ଜୁଡିଆ ଗ୍ରାମର ମାତୋ ମାଝୀ ।
ସେପଟେ ଗୁରୁତର ହୋଇଥିବା ଦୁଇ ଯୁବକମାନେ ହେଲେ ଜୁଡିଆ ଗ୍ରାମର ଆଲୋକ ମୁଣ୍ଡା ଓ ସଞ୍ଜିତ ଗିରି । ସୂଚନା ଅନୁଯାୟୀ, ଦାମୁଡିଗୋଡା ଛକ ନିକଟରେ ତିନି ଜଣ ଯୁବକ ବାଇକରେ ସହ ରାସ୍ତା କଡ଼ରେ ଠିଆ ହୋଇଥିଲେ । ସେହି ସମୟରେ ହଠାତ ଦ୍ରୁତ ଗତିରେ ଏକ ଟ୍ରକ ଆସି ବାଇକକୁ ଧକ୍କା ଦେଇ ପଳାଇ ଯାଇଥିଲା । ତେବେ ଗୁରୁତର ଅବସ୍ଥାରେ ତିନି ଜଣଙ୍କୁ ସ୍ଥାନୀୟ ଲୋକେ 108 ଆମ୍ବୁଲାନ୍ସ ଯୋଗେ ରାଇରଙ୍ଗପୁର ଡାକ୍ତରଖାନା ପଠାଇଥିଲେ ।
ସେଠାରେ ଡାକ୍ତର ମାତୋ ମାଝୀଙ୍କୁ ମୃତ ଘୋଷଣା କରିଥିଲେ । ଅନ୍ୟ ଦୁଇଜଣ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି । ଏନେଇ ରାଇରଙ୍ଗପୁର ଗ୍ରାମାଞ୍ଚଳ ପୋଲିସ ଏକ ଦୁର୍ଘଟଣା ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
