ରାଇରଙ୍ଗପୁର: ଲୌହଖଣି କର୍ମଚାରୀଙ୍କ ଝୁଲନ୍ତା ମୃତଦେହ ଉଦ୍ଧାର । ଏଭଳି ଏକ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ଗୋରୁମହିଷାଣୀ ଥାନା ଅନ୍ତର୍ଗତ ଲେବର କଲୋନୀରେ । ମୃତ ଯୁବକ ଜଣକ ପୁରୀ ଜିଲ୍ଲା ବଳଭଦ୍ରପୁର ଗ୍ରାମର କାବୁଲା ସାମନ୍ତରାୟ । ଆଜି ସକାଳୁ ସ୍ଥାନୀୟ ଲୋକେ କାବୁଲାର ଝୁଲନ୍ତା ମୃତଦେହ ଦେଖି ଗୋରୁମହିଷାଣୀ ଥାନା ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ଛାନଭିନ ଆରମ୍ଭ କରିବା ସହିତ ଅଧିକ ତଦନ୍ତ ପାଇଁ ବାରିପଦାରୁ ସାଇଣ୍ଟିଫିକ ଟିମ୍କୁ ମଧ୍ୟ ଡକାଇଥିବା ଜଣାପଡିଛି।
ଯୁବକଙ୍କ ଝୁଲନ୍ତା ମୃତ ଦେହ ଉଦ୍ଧାର, ହତ୍ୟା ସନ୍ଦେହ
ସେପଟେ ମୃତଦେହ ପାଖରେ ମଦ ବୋତଲ ପଡିଥିବା ବେଳେ ଏହା ଏକ ସୁପରିକଳ୍ପିତ ହତ୍ୟାକାଣ୍ଡ ବୋଲି ପୋଲିସ ଅନୁମାନ କରୁଛି । ଗତକାଲି ରାତି ୧୦ଟା ସମୟରେ ଯୁବକ ଜଣଙ୍କ ମେସ୍ ରୁ ବାହାରି ଆଉ ଫେରି ନଥିଲେ । ପରେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
