ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଟାଉନ ଥାନାରେ ନିଆରା ଢ଼ଙ୍ଗରେ ଶିଶୁ ଦିବସ ପାଳିତ ହୋଇଯାଇଛି । ରାଇରଙ୍ଗପୁର ସହରର ବିଭିନ୍ନ ସରକାରୀ ବିଦ୍ୟାଳୟରୁ ପ୍ରାୟ ୨୦୦ ଛାତ୍ରଛାତ୍ରୀଙ୍କୁ ନେଇ ଟାଉନ ଥାନାରେ ଶିଶୁ ଦିବସ ପାଳନ କରିଛନ୍ତି ରାଇରଙ୍ଗପୁର ଟାଉନ ଥାନା ଅଧିକାରୀ ରଞ୍ଜନ କୁମାର ସେଠୀ ।
ଭିଡିଓ ସୌଜନ୍ୟ:ପ୍ରତିନିଧି, ରାଇରଙ୍ଗପୁର
ପୋଲିସ ଷ୍ଟେସନ ବା ଥାନାର କାମ କଣ ? ଅନଲାଇନରେ କିଭଳି ଏତଲା ଦିଆଯାଏ ? ମୋ ସରକାର କାର୍ଯ୍ୟକ୍ରମ କିପରି ଚାଲିଛି ? ମହିଳା ଓ କନ୍ୟା ସନ୍ତାନ ମାନଙ୍କୁ ନିର୍ଯାତନା ଓ ହିଂସା ବିରୋଧରେ ଥାନା ପକ୍ଷରୁ କିଭଳି ସହାୟତା ମିଳିବ, ସେନେଇ ଛାତ୍ରଛାତ୍ରୀ ମାନଙ୍କ ସହ ଆଲୋଚନା କରିବା ସହିତ ପ୍ରଶାସନ ଓ ଲୋକମାନଙ୍କ ମଧ୍ୟରେ ଥିବା ସୁସମ୍ପର୍କକୁ ଛାତ୍ରଛାତ୍ରୀମାନଙ୍କୁ ବୁଝାଇଥିଲେ ଥାନା ଅଧିକାରୀ।
ଛାତ୍ରଛାତ୍ରୀମାନେ ପୋଲିସର ଏଭଳି କାର୍ଯ୍ୟକ୍ରମ ପାଇଁ ବହୁତ ଖୁସି ବ୍ୟକ୍ତ କରିଥିବା ବେଳେ ଶିକ୍ଷକ ସମାଜ ଓ ବୁଦ୍ଧିଜୀବୀ ମାନେ ମଧ୍ୟ ବହୁ ପ୍ରଶଂସା କରିଛନ୍ତି।
ରାଇରଙ୍ଗପୁରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ
