ବାରିପଦା : ଦେଶୀମଦ ତିଆରି କାରଖାନା ଉପରେ ଅବକାରୀ ବିଭାଗର ଚଢ଼ାଉ। ଦୁଇ ହଜାର ଲିଟରରୁ ଅଧିକ ମହୁଲ ପୋଚ ସହ ୧୫୦ ଲିଟର ମହୁଲି ମଦ କୁ ନଷ୍ଟ କରିଛି ଅବକାରୀ ବିଭାଗ । ଏହାସହ ମଦ ତିଆରି ସରଞ୍ଜାମକୁ ମଧ୍ୟ ଜବତ କରିଛି । ସୂଚନା ଅନୁସାରେ, ମୟୁରଭଞ୍ଜ ଜିଲ୍ଲା ଡାଙ୍ଗରବିଲା ଓ ଶୁଖିଲାଖାଳି ଜଙ୍ଗଲ ଭିତରେ ଚାଲିଥିଲା ମହୁଲି ମଦ ତିଆରି କାରଖାନା। କୌଣସି ସୂତ୍ରରୁ ଖବରପାଇ ମୋରଡ଼ା ଅବକାରୀ ବିଭାଗ ଓ ବାରିପଦା ଅବକାରୀ ବିଭାଗର ସ୍ବତନ୍ତ୍ର ସ୍କ୍ବାର୍ଡ ଚଢ଼ାଉ କରିଥିଲା।
ଦେଶୀ ମଦ କାରଖାନାରେ ଚଢ଼ାଉ
ଦୁଇ ହଜାର ଲିଟରରୁ ଅଧିକ ମହୁଲ ପୋଚ ସହ ୧୫୦ ଲିଟର ମହୁଲି ମଦକୁ ନଷ୍ଟ କରି ଥିଲା ବିଭାଗ । ଏହି ଚଢ଼ାଉରେ ଅବକାରୀ ସ୍କ୍ବାର୍ଡର ଇନ୍ସପେକ୍ଟର ଓ ମୋରଡ଼ା ଅବକାରୀ ବିଭାଗ ଏସଆଇଙ୍କ ନେତୃତ୍ବରେ ଚଢ଼ାଉ କରାଯାଇଥିଲା । ମଦ ତିଆରି କାରଖାନାର ମାଲିକ ଏବଂ କାର୍ଯ୍ୟରତ ଶ୍ରମିକମାନେ ଖସି ପଳାଇଥିବା ଜଣାପଡିଛି ।
ମୟୁରଭଞ୍ଜରୁ ମୃତ୍ୟୁଞ୍ଜୟ ସେନାପତି ଇଟିଭି ଭାରତ
