ରାଇରଙ୍ଗପୁର: ବାଦାମପାହାଡ଼ ବନବିଭାଗ ପ୍ରାୟ 8 ଫୁଟ ଲମ୍ବର ଅଜଗର ଉଦ୍ଧାର କରିଛି । ବାଦାମପାହାଡ଼ ରେଞ୍ଜ ଅଧୀନ ଦୁବଲାବେଡା ଗ୍ରାମ ନିକଟରେ ଅଜଗରକୁ ଦେଖି ସ୍ଥାନୀୟ ଲୋକେ ବନବିଭାଗକୁ ଖବର ଦେଇଥିଲେ । ଏହାପରେ ବନବିଭାଗ କର୍ମଚାରୀ ଆସି ଅଜଗରକୁ ଉଦ୍ଧାର କରିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ବାଦାମପାହାଡ଼ ରେଞ୍ଜର ଅଶୋକ ଦାସଙ୍କ ନେତୃତ୍ବରେ ଅଜଗରକୁ ଉଦ୍ଧାର କରାଯାଇ ସୁରକ୍ଷିତ ଭାବେ ନିକଟସ୍ଥ ଜଙ୍ଗଲରେ ଛାଡି ଦିଆଯାଇଥିଲା। ଅଜଗର ସାପଟି ଆଠ ଫୁଟ ଲମ୍ବର ହୋଇଥିବା ବାଦାମପାହାଡ଼ ରେଞ୍ଜର ସୂଚନା ଦେଇଛନ୍ତି । ଦିନକ ପୂର୍ବରୁ ଶିମିଳିପାଳ ଜାତୀୟ ଉଦ୍ୟାନ କରଞ୍ଜିଆ ବନଖଣ୍ଡ ଅନ୍ତର୍ଗତ ଗୁରୁଗୁଡ଼ିଆ ରେଞ୍ଜରେ ଏକ ଆଠ ଫୁଟିଆ ଅଜଗର ସାପ ଉଦ୍ଧାର କରାଯାଇଥିଲା ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
