ବାରିପଦା: ମୟୂରଭଞ୍ଜ ଜିଲ୍ଲାର ଥମୁନି ହାତୀ ଆତଙ୍କ । ମୟୂରଭଞ୍ଜ ଜିଲ୍ଲା ବେତନଟି ରେଞ୍ଜର ବାରିପଦା-ଚିତ୍ରଡା ରାସ୍ତା ବାରମାଇଲ ଛକରେ ରାଜରାସ୍ତାର ହାତୀ ବୁଲୁଥିବା ଦେଖିବାକୁ ମିଳିଛି । ଝାଡ଼ଖଣ୍ଡ ଦଲମା ଜଙ୍ଗଲରୁ ଆସିଥିବା ହାତୀ ଏବେ ଜିଲ୍ଲାରେ ଆତଙ୍କ ଖେଳାଇଛନ୍ତି । ଆଜି(ସୋମବାର) ଦୁଇଟି ହାତୀ ରାଜରାସ୍ତାରେ ଯିବା ଆସିବା କରୁଥିବା ଦେଖିବାକୁ ମିଳିଥିଲା ।
ରାଜରାସ୍ତାରେ ହାତୀ ଦେଖି ଲୋକେ ଭୟଭୀତ
ବାରମାଇଲ ଛକରେ ହାତୀକୁ ଦେଖି ଲୋକେ ଭୟଭୀତ ଅବସ୍ଥାରେ ଦୌଡ଼ି ପଳାଇଥିବାବେଳେ ସ୍କୁଲ ଯାଉଥିବା ଛାତ୍ରଛାତ୍ରୀ ମଧ୍ୟ ହାତୀ ଦେଖି ଦୌଡ଼ି ପଳାଇଥିଲେ । ତେବେ ଦୁଇଟି ହାତୀ ରାଜ ରାସ୍ତାରେ ବେଶ କିଛି ସମୟ ଆତଙ୍କ ଖେଳାଇବା ପରେ ନିକଟସ୍ଥ ସୁନାହଜା ଜଙ୍ଗଲ ଭିତରକୁ ପଳାଇଥିଲେ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
