ରାଇରଙ୍ଗପୁର: ମୟୂରଭଞ୍ଜରେ ମର୍ମନ୍ତୁଦ ସଡକ ଦୁର୍ଘଟଣା । ଓଲଟିଲା ଯାତ୍ରୀବାହୀ ମ୍ୟାଜିକ ଗାଡି । ମୟୂରଭଞ୍ଜ କରଞ୍ଜିଆ ଥାନା ଅନ୍ତର୍ଗତ କରଞ୍ଜିଆ-ସିଙ୍ଗଡା ରାସ୍ତାର ଝଗଡା ନାଳ ନିକଟରେ ଶନିବାର ଘଟିଛି ଏହି ଦୁର୍ଘଟଣା । ଏଥିରେ ଚାରି ଜଣ ଯାତ୍ରୀ ଆହତ ହୋଇଥିବାବେଳେ ଜଣେ ଗୁରୁତର ହୋଇଛନ୍ତି । ସେମାନଙ୍କୁ ଉଦ୍ଧାର କରାଯାଇ କରଞ୍ଜିଆ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ଓଲଟିଲା ଯାତ୍ରୀବାହୀ ମ୍ୟାଜିକ; ଚାରି ଆହତ, ଜଣେ ଗୁରୁତର
ଏହି ମ୍ୟାଜିକ ଗାଡି ଯାତ୍ରୀ ନେଇ ସୁକୃଳିରୁ କରଞ୍ଜିଆ ଆସୁଥିବାବେଳେ ଝଗଡା ନାଳ ନିକଟରେ ଭାରସାମ୍ୟ ହରାଇ ରାସ୍ତାକଡରେ ଥିବା ଏକ ଗଛ ସହ ଧକ୍କା ହୋଇଥିଲା ଏବଂ ଓଲଟି ପଡିଥିଲା । ଖବର ପାଇ କରଞ୍ଜିଆ ଥାନା ପୋଲିସ ଘଟଣାସ୍ଥଳକୁ ଯାଇ ତଦନ୍ତ ଆରମ୍ଭ ରଖିଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
