ବାରିପଦା: ହାତୀ ଆକ୍ରମଣରେ ମୟୂରଭଞ୍ଜ ରେ ଜଣେ ମୃତ । ଜଙ୍ଗଲକୁ ଶୌଚ ହେବା ପାଇଁ ଯାଇଥିବା ବେଳେ ଦନ୍ତା ତାଙ୍କୁ ଦଳି ଦେଇଥିବା ଜଣାପଡିଛି ।
ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ରେଞ୍ଜ ଅନ୍ତର୍ଗତ କୁକୁଡ଼ାଜୁଡ଼ି ଜଙ୍ଗଲରେ ରବିବାର ଦନ୍ତା ହାତୀ ଆକ୍ରମଣରେ ଜଣେ ବୃଦ୍ଧ ଙ୍କ ମୃତ୍ୟ ହୋଇଛି। ମୃତକ ଜଣଙ୍କ କୁକୁଡ଼ାଯୋଡି ଗାଁ ର ଚତୁର୍ଭୁଜ ନାୟକ ବୋଲି ଜଣାପଡିଛି। ବୃଦ୍ଧ ଜଣଙ୍କ ନିଜ ଗାଁ ପାଖ ଜଙ୍ଗଲକୁ ଶୌଚ ହେବାପାଇଁ ଯାଇଥିବା ବେଳେ ହାତୀ ହାବୁଡ଼ରେ ପଡ଼ିଥିଲେ। ଦନ୍ତା ହାତୀ ସହ ବୃଦ୍ଧଙ୍କ ମୁହାଁ ମୁହିଁ ହେବା ପରେ ଦନ୍ତାଟି ବୃଦ୍ଧଙ୍କୁ ଦଳି ଦେଇଥିବା ଜଣାପଡିଛି।
ସୂଚନାନୁଯାୟୀ ପାଖାପାଖି ୫ଟି ଜଙ୍ଗଲୀ ହାତୀ କିଛି ଦିନ ହେବ ରସଗୋବିନ୍ଦପୁର ରେଞ୍ଜରେ ଉତ୍ପାତ ଜାରି ରଖିଛନ୍ତି । ଅନ୍ୟପକ୍ଷରେ ହାତୀ ଗୁଡିକ ପାଖାପାଖି ଥୁବାରୁ ବୃଦ୍ଧଙ୍କ ମୃତଦେହ ଉଦ୍ଧାର ହୋଇପାରିନାହିଁ। ଖବର ପାଇ ରାସଗୋବିନ୍ଦପୁର ରେଞ୍ଜର ବନକର୍ମଚାରୀ ଏବଂ ବାରିପଦା ସଦର ଥାନା ପୋଲିସ ଘଟଣାସ୍ଥଳରେ ତଦନ୍ତ ଆରମ୍ଭ କରିଥିବା ବେଳେ ହାତୀ ଘଉଡ଼ାଇ ପାଇଁ ଚେଷ୍ଟା ଜାରି ରଖିଛି ବନବିଭାଗ।
ମୟୁରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
