ବାରିପଦା: ନିଜ ଘର ଭିତରୁ ବୃଦ୍ଧାଙ୍କ ଗଳିତ ମୃତଦେହ ଉଦ୍ଧାର । ମୟୂରଭଞ୍ଜ ଜିଲ୍ଲା କପ୍ତିପଦା ଥାନା ବେଲଡିହା ଗ୍ରାମର ଜଣେ 65 ବର୍ଷିୟ ବୃଦ୍ଧା ଶର୍ମାମଣି ସେଠୀଙ୍କ ମୃତଦେହ ଘର ଭିତରୁ କବାଟ ଭାଙ୍ଗି ଉଦ୍ଧାର କରାଯାଇଛି । ସୂଚନାଅନୁଯାୟୀ ବୃଦ୍ଧା ଜଣକ ନିଜ ଘରେ ଏକୁଟିଆ ରହୁଥିବାବେଳେ ଗତ ଦୁଇ ଦିନ ହେବ ଘରୁ ବାହାରି ନଥିଲେ । ତେବେ ଆଜି(ବୁଧବାର) ପଡୋଶୀଙ୍କ ସନ୍ଦେହ ହେବାରୁ କପ୍ତିପଦା ପୋଲିସକୁ ଖବର ଦେଇଥିଲେ ।
ଘର ଭିତରୁ ବୃଦ୍ଧାଙ୍କ ଗଳିତ ମୃତଦେହ ଉଦ୍ଧାର, ହତ୍ୟା ସନ୍ଦେହ
ଖବର ପାଇ କପ୍ତିପଦା ପୋଲିସ ଘଟଣାସ୍ଥଳରେ ପହଞ୍ଚି କବାଟ ଭାଙ୍ଗି ବୃଦ୍ଧାଙ୍କ ମୃତଦେହ ଉଦ୍ଧାର କରିଛି । ତେବେ ମୃତ୍ୟର କାରଣ ସଠିକ ଜଣାପଡି ନ ଥିବା ବେଳେ କେହି ହତ୍ୟା କରିଥାଇ ପାରେ ବୋଲି ସନ୍ଦେହ କରାଯାଉଛି । ଏନେଇ ପୋଲିସ ସାଇଣ୍ଟିଫିକ ଟିମ ଦ୍ବାରା ତଦନ୍ତ ଆରମ୍ଭ କରିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
