ବାରିପଦା: ମୟୂରଭଞ୍ଜ ଜିଲ୍ଲାର ମୋରଡା ଥାନା ଅନ୍ତର୍ଗତ ଚିତ୍ରଡା ଗ୍ରାମରେ ସୋମବାର ଦ୍ବିପହର ସମୟରେ ଅଘଟଣ ଘଟିଛି । ଚିତ୍ରଡା ସରପଞ୍ଚ ଦୁଲାରୀ ମାରାଣ୍ଡିଙ୍କ ପୋଖରୀରେ ବୁଡି ଜଣେ ବୃଦ୍ଧଙ୍କ ମୃତ୍ୟୁ ଘଟିଛି । ମୃତକ ଜଣକ ହେଲେ ସେହି ଗ୍ରାମର ସୁରେନ୍ଦ୍ର ମୁର୍ମୁ (ବୟସ ୬୨ବର୍ଷ) ।
ପୋଖରୀ ପାଣିରେ ବୁଡି ବୃଦ୍ଧ ମୃତ
ସୁରେନ୍ଦ୍ର ପୋଖରୀକୁ ଗାଧୋଇବା ପାଇଁ ଯାଇଥିଲେ, କୌଣସି କାରଣରୁ ଗୋଡ ଖସି ଯାଇ ସେ ପାଣିରେ ବୁଡି ଯାଇଥିଲେ । ସେହି ସମୟରେ ପୋଖରୀରେ ଜଣେ ମହିଳା ମାଛ ଧରୁଥିଲେ । ଦୀର୍ଘ ସମୟ ଧରି ସୁରେନ୍ଦ୍ର ପାଣିରୁ ନବାହାରିବାରୁ ସେ ଯାଇ ଗ୍ରାମବାସୀଙ୍କୁ ଡାକିଥିଲେ । ଗ୍ରାମବାସୀ ପୋଖରୀରେ ଖୋଜା ଖୋଜି କରିବା ପରେ ସୁରେନ୍ଦ୍ରଙ୍କୁ ଉଦ୍ଧାର କରି କିଶାନତାଣ୍ଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଯାଇଥିଲେ । ସେଠାରେ ଡାକ୍ତର ସୁରେନ୍ଦ୍ରକୁ ମୃତ ଘୋଷଣା କରିଥିଲେ । ମରୋଡା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
