ରାଇରଙ୍ଗପୁର: ମାଛ ଧରିବା କାଳ ହେଲା । ନଦୀରେ ମାଛ ଧରୁଥିବା ବେଳେ ଘଟିଛି ଅଘଟଣ । ନଦୀର ପ୍ରଖର ସ୍ରୋତରେ ଭାସି ଯାଇ ଜଣେ ବୃଦ୍ଧଙ୍କର ମୃତ୍ୟୁ ହୋଇଛି। ମୃତକ ହେଲେ ମୟୂରଭଞ୍ଜ ଜିଲ୍ଲା ବହଳଦା ଥାନା ଅନ୍ତର୍ଗତ ଗୁଣ୍ଡୁରୁଆ ଗାଁର ଗାନେ ବାସ୍କେ ।
ମାଛ ଧରୁଥିବା ପ୍ରଖର ସ୍ରୋତରେ ଭାସି ବୃଦ୍ଧଙ୍କ ମୃତ୍ୟୁ
ସୂଚନା ଅନୁଯାୟୀ, ଗୁଣ୍ଡୁରିଆ ଗାଁର ଗାନେ ବାସ୍କେ ଆଜି (ରବିବାର) ସକାଳ ୭ଟା ସମୟରେ ଗୁରିଆ ନଦୀରେ ମାଛ ଧରୁଥିଲେ । ତଳ ମୁଣ୍ଡରେ ମାଛ ଧରୁଥିବା ବେଳେ ଅସାବଧାନତା ଯୋଗୁଁ ପ୍ରବଳ ସ୍ରୋତରେ ଭାସି ଯାଇଥିଲେ । ଖବର ପାଇ ଗ୍ରାମବାସୀ ରାଇରଙ୍ଗପୁର ଅଗ୍ନିଶମ ବିଭାଗକୁ ଜଣାଇଥିଲେ। ଅଗ୍ନିଶମ କର୍ମଚାରୀ ଘଟଣା ସ୍ଥଳରେ ପହଞ୍ଚି ଦୀର୍ଘ ୩ ଘଣ୍ଟା ଧରି ଖୋଜାଖୋଜି କରିଥିଲେ । ନଦୀର ପ୍ରାୟ 1 କିମି ଦୂରରୁ ତାଙ୍କ ମୃତଦେହ ଉଦ୍ଧାର କରାଯାଇଥିଲା। ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।
ଇଟିଭି ଭାରତ, ରାଇରଙ୍ଗପୁର
