ରାଇରଙ୍ଗପୁର: ସହରର ଉପଖଣ୍ଡ ଚିକିତ୍ସାଳୟରେ ରକ୍ତର ଘୋର ଅଭାବ ଯୋଗୁଁ ପ୍ରତିଦିନ ସ୍ବେଚ୍ଛାକୃତ ଭାବେ ରକ୍ତଦାନ କରିବାକୁ ରାଇରଙ୍ଗପୁର ବ୍ଲଡ଼ ବ୍ୟାଙ୍କ ପକ୍ଷରୁ ଆହ୍ବାନ ଦିଆଯାଇଛି। ଏ ନେଇ ଆଗେଇ ଆସିଛି ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ସହରର ବିଶିଷ୍ଟ ସମାଜସେବୀ ସଂଗଠନ ‘‘ନୋ ହଙ୍ଗ୍ରୀ ସଂଗଠନ’’।
ରକ୍ତ ଅଭାବ ଦୂର କରିବାକୁ ଆଗେଇ ଆସିଲା ‘ନୋ ହଙ୍ଗ୍ରୀ ସଂଗଠନ’
ନୋ ହଙ୍ଗ୍ରୀ ସଂଗଠନ ପକ୍ଷରୁ ବୁଧବାର ଏକ ରକ୍ତଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବେ ରାଇରଙ୍ଗପୁର ଉପଜିଲ୍ଲାପାଳ ଧର୍ମାନନ୍ଦ ବେହେରା ଓ ଏସଡିପିଓ ସ୍ନେହାଶିଷ ସାହୁ ଫିତା କାଟି କାର୍ଯ୍ୟକ୍ରମର ଉଦଘାଟନ କରିଥିଲେ। କୋରୋନା ସଂକ୍ରମଣକୁ ରୋକିବା ପାଇଁ ଲକଡାଉନ ଚାଲିଥିବାରୁ ‘ନୋ ହଙ୍ଗ୍ରୀ ସଂଗଠନ' ବିଭିନ୍ନ ସମାଜସେବା କାର୍ଯ୍ୟ କରି ଚର୍ଚ୍ଚାରେ ରହିଛି । ତେବେ ଲକଡାଉନ ଯୋଗୁଁ ରକ୍ତର ଘୋର ଅଭାବ ଦେଖାଯାଉଥିବା ବେଳେ ରକ୍ତଦାନ ଭଳି ମହତ କାର୍ଯ୍ୟ ହାତକୁ ନେଇଥିବାରୁ ବିଭିନ୍ନ ମହଲରୁ ସଂଗଠନକୁ ପ୍ରଶଂସା କରାଯାଇଛି ।
ରାଇରଙ୍ଗପୁରରୁ ସଞ୍ଜୟ ପରିଡ଼ା, ଇଟିଭି ଭାରତ
