ରାଇରଙ୍ଗପୁର: ସହରର ୫ ନଂ ୱାର୍ଡର ମୃତ୍ୟୁ କୁମାର ନାମକ ଜଣେ ବ୍ୟକ୍ତିଙ୍କ ପାଖକୁ ଆସିଥିବା କୋରିଅର ପେଟିରୁ ନାଗ ସାପ ଉଦ୍ଧାର କରାଯାଇଛି । ରାଇରଙ୍ଗପୁର ଫରେଷ୍ଟ ଗାର୍ଡ ସେଠାରୁ ଛଅ ଫୁଟ ଲମ୍ବର ନାଗ ସାପଟିକୁ ଉଦ୍ଧାର କରି କୁଚେଇବୁଢୀ ସଂରକ୍ଷିତ ଜଙ୍ଗଲରେ ଛାଡି ଦେଇଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ସୂଚନା ଅନୁଯାୟୀ, ମୃତ୍ୟୁ କୁମାର ପାଣି ପାଇପ ଲାଇନ ସମ୍ବନ୍ଧୀୟ ଜିନିଷ ବ୍ୟବସାୟ କରନ୍ତି। ତାଙ୍କ ପାଖକୁ କୋରିଅରରୁ କିଛି ସାମଗ୍ରୀ ଥିବା ପେଟି ଆସିଥିଲା। ପେଟି ଖୋଲିବା ମାତ୍ରେ ଏକ ନାଗ ସାପ ଦେଖି ଭୟଭୀତ ହୋଇ ଯାଇଥିଲେ। ଏ ନେଇ ସେ ତୁରନ୍ତ ରାଇରଙ୍ଗପୁର ବନବିଭାଗକୁ ଖବର ଦେଇଥିଲେ। ତେବେ ଖବର ପାଇ ଦୁଇ ଜଣ ଫରେଷ୍ଟ ଗାର୍ଡ ଆସି ସେଠାରୁ ଛଅ ଫୁଟ ଲମ୍ବର ନାଗ ସାପଟିକୁ ଉଦ୍ଧାର କରିଥିଲେ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
