ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ପୌର ନିର୍ବାଚନର ଅଧ୍ୟକ୍ଷ ପ୍ରାର୍ଥୀ ତାଲିକା ୩ ପ୍ରମୁଖ ଦଳ ତରଫରୁ ଘୋଷଣା କରାଯାଇଛି । ରାଇରଙ୍ଗପୁର ପୌର ପରିଷଦ ପାଇଁ କଂଗ୍ରେସ ଦଳ ପକ୍ଷରୁ ଅଧ୍ୟକ୍ଷ ପ୍ରାର୍ଥୀ ଭାବେ ଭଜହରି ମହାନ୍ତ, ବିଜେଡ଼ି ଦଳ ପକ୍ଷରୁ ଯୁବ ଜିଲ୍ଲା ସଭାପତି ଅଭିଷେକ ପଟ୍ଟନାୟକ ଓ ବିଜେପି ଦଳ ପକ୍ଷରୁ ରାଜ୍ୟ ସମ୍ପାଦକ ନବୀନ ରାମ ପୌର ଅଧ୍ୟକ୍ଷ ପ୍ରାର୍ଥୀ ଭାବେ ମନୋନୀତ ହୋଇଛନ୍ତି ।
ତେବେ ବର୍ତ୍ତମାନ ସୁଦ୍ଧା ଜେଏମଏମ ପକ୍ଷରୁ ଅଧ୍ୟକ୍ଷ ପ୍ରାର୍ଥୀଙ୍କ ନାଁ ଘୋଷଣା କରାଯାଇନାହିଁ । ସେହିପରି କରଞ୍ଜିଆ ଏନଏସି ପାଇଁ ଅଧ୍ୟକ୍ଷା ପ୍ରାର୍ଥୀନୀ ଭାବେ ବିଜେଡି ଦଳ ପକ୍ଷରୁ ପୋପୀ ପୃଷ୍ଟି, କଂଗ୍ରେସ ଦଳ ପକ୍ଷରୁ ସେଫାଳିକା ସାହୁ ଓ ବିଜେପି ଦଳ ପକ୍ଷରୁ ଜ୍ୟୋତ୍ସ୍ନାରାଣୀ ମହାନ୍ତ ଏନଏସି ଅଧ୍ୟକ୍ଷା ପ୍ରାର୍ଥିନୀ ଭାବେ ମନୋନୀତ ହୋଇଛନ୍ତି । ତେବେ ଆସନ୍ତାକାଲି(ସୋମବାର) ନାମାଙ୍କନ ଦାଖଲର ଶେଷ ଦିନ ରହିଥିବା ବେଳେ ସମସ୍ତ ପ୍ରାର୍ଥୀ ଆସନ୍ତାକାଲି ନାମାଙ୍କନ ପତ୍ର ଦାଖଲ କରିବେ ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
