ବାରିପଦା: ମୟୂରଭଞ୍ଜ ଜିଲ୍ଲାରେ ପୁଣି ଲଜ୍ଜା । ଜିଲ୍ଲାର ଝାରପୋଖରିଆ ଥାନା ଅଞ୍ଚଳରେ ନାବାଳିକାକୁ ଜଣେ ନାବାଳକ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ନାବାଳିକା ଜଣଙ୍କ ନିଜ ମାମୁଁ ଘରେ ରହୁଥିବା ବେଳେ ପଡ଼ୋଶୀର ଜଣେ ନାବାଳକ ନିଜ ଘରକୁ ଟେକି ନେଇ ଦୁଷ୍କର୍ମ କରିଥିବା ଅଭିଯୋଗ ହୋଇଛି ।
ପୁଣି ଲଜ୍ଜା,7 ବର୍ଷର ନାବାଳିକାକୁ ନାବାଳକର ଦୁଷ୍କର୍ମ ଅଭିଯୋଗ
ସୂଚନା ଅନୁସାରେ, ନାବାଳିକା ଜଣଙ୍କ ବୟସ ୭ ବର୍ଷ ହେବ ବୋଲି ଜଣାପଡିଛି । ଘଟଣାରେ ପୋଲିସ ନାବାଳକ ଜଣଙ୍କୁ ଅଟକ ରଖି ପଚରାଉଚରା କରିବା ସହ ପୀଡିତା ନାବାଳିକାକୁ ମଧ୍ୟ ଥାନାକୁ ଆଣି ତଦନ୍ତ ଜାରିରଖିଛି । ଏନେଇ ଝାରପୋଖରିଆ ଥାନାରେ ୧୫୩/୧୯ରେ ଏକ ମାମଲା ରୁଜୁ କରାଯାଇଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
