ରାଇରଙ୍ଗପୁର: ପୁଣି ନାବାଳିକାକୁ ଗଣଦୁଷ୍କର୍ମ ଅଭିଯୋଗ । ଏଭଳି ଏକ ଲଜ୍ଜାଜନକ ଘଟଣା ଘଟିଛି ମୟୂରଭଞ୍ଜ ଜିଲ୍ଲାର ରରୁଆଁ ଥାନା ଅଧିନସ୍ଥ ଅଞ୍ଚଳରେ।
ଅଭିଯୋଗ ଅନୁଯାୟୀ, ଗତ ୧୬ ତାରିଖ ଦିନ ଅଞ୍ଚଳବାସୀ ବେଶ ଜାକଜମକରେ ରଜପର୍ବ ପାଳନ କରୁଥିବା ବେଳେ ଗଣଦୁଷ୍କର୍ମ ଭଳି ଲଜ୍ଜାଜନକ ଘଟଣା ସାମ୍ନାକୁ ଆସିଛି। ରାତିରେ ନାବାଳିକା ଜଣକ ଶୌଚ ପାଇଁ ପଦାକୁ ଯାଇଥିବା ବେଳେ ସେହି ଗାଁର ଦୁଇଜଣ ବିବାହିତ ଯୁବକ ନାବାଳିକାକୁ ଗଣଦୁଷ୍କର୍ମ କରିଥିବା ଅଭିଯୋଗ ହୋଇଛି। ଘଟଣା ବିଷୟରେ ପରିବାର ଲୋକେ ଜାଣିବା ପରେ ଆଜି ରରୁଆଁ ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତି କରି ରରୁଆଁ ଥାନା ପୋଲିସ ଆଜି ଦୁଇ ଅଭିଯୁକ୍ତଙ୍କୁ ଗିରଫ କରିଛି । ଗିରଫ ମଧ୍ୟରୁ ଜଣକୁ କେନ୍ଦୁଝର ଓ ଅନ୍ୟ ଜଣକୁ ରରୁଆଁ ଅଞ୍ଚଳରୁ ଗିରଫ କରିଛନ୍ତି।
ଗିରଫ ଦୁଇ ଅଭିଯୁକ୍ତ ହେଲେ ରବି ଚାତାର ଓ ଅତୁଲ ମହାକୁଡ। ତେବେ ଡାକ୍ତରୀ ପରୀକ୍ଷା ପରେ ଦୁଇ ଅଭିଯୁକ୍ତଙ୍କୁ ଶନିବାର କୋର୍ଟ ଚାଲାଣ କରାଯିବ ବୋଲି ରରୁଆଁ ଥାନା ପୋଲିସ ପକ୍ଷରୁ ସୂଚନା ଦେଇଛି ।
ରାଇରଙ୍ଗପୁରରୁ ସଞ୍ଜୟ ପରିଡା,ଇଟିଭି ଭାରତ
