ବାରିପଦା: ଗାଧୋଇବା ବେଳେ ଡ୍ୟାମରେ ଭାସିଗଲେ ନାବାଳକ । ମିଳୁନି କୌଣସି ଖୋଜ ଖବର । ମୟୂରଭଞ୍ଜ ଜିଲ୍ଲା ଶ୍ୟାମାଖୁଣ୍ଟା ବ୍ଲକ ଶିମିଳିପାଳରେ ଥିବା ବାଲିଡିହା ଡ୍ୟାମରେ ଏଭଳି ଅଘଟଣ ଘଟିଛି । ନିଖୋଜ ଛାତ୍ର ଜଣକ ହେଲେ ଶୁଲିଆପଦା ଗାଁର ଅନୁପମ ଧୀର । ସେ ବାରିପଦାସ୍ଥିତ ସରକାରୀ ବୈଷୟିକ ଶିକ୍ଷାନୁଷ୍ଠାନରେ ତାଲିମ ଗ୍ରହଣ କରୁଥିଲେ ।
ଡ୍ୟାମରେ ଗାଧୋଇବା ହେଲା କାଳ : ଭାସିଗଲେ ନାବାଳକ
ଅନୁପମ ରବିବାର ତାଙ୍କ ସାଙ୍ଗଙ୍କ ସହ ବଣ ଭୋଜି ପାଇଁ ଶ୍ୟାମାଖୁଣ୍ଟା ବ୍ଲକ୍ର ବାଲିଡିହା ଡ୍ୟାମକୁ ଯାଇଥିଲେ । ଅପରାହ୍ନରେ ଡ୍ୟାମ୍ରେ ଗାଧୋଉଥିବା ପ୍ରଖର ଜଳସ୍ରୋତରେ ନାବାଳକ ଜଣକ ଭାସି ଯାଇଥିଲେ । ଏହାଦେଖି ସ୍ଥାନୀୟ ଲୋକେ ପୋଲିସ ଓ ଦମକଳବାହିନୀକୁ ଖବର ଦେଇଥିଲେ । ଦମକଳବାହିନୀ ଘଟଣାସ୍ଥଳରେ ପହଞ୍ଚି ଖୋଜାଖୋଜି ପ୍ରକ୍ରିୟା ଆରମ୍ଭ କରିଥିଲେ । ହେଲେ ବର୍ତ୍ତମାନ ସୁଦ୍ଧା ଛାତ୍ର ଜଣଙ୍କ ନିଖୋଜ ଥିବା ନେଇ ସୂଚନା ମିଳିଛି । ଘଟଣାସ୍ଥଳରେ ଏବେ ବି ଅଗ୍ନିଶମବାହିନୀ ଉଦ୍ଧାର କାର୍ଯ୍ୟ ରଖିଛି ।
ଇଟିଭି ଭାରତ, ମୟୂରଭଞ୍ଜ
