ବାରିପଦା: ମୟୂରଭଞ୍ଜ ସାରସକଣା ବ୍ଲକ ୫୬ ନମ୍ବର ଜୋନ ପାଇଁ ଜିଲ୍ଲାପରିଷଦ ଉପନିର୍ବାଚନ ଆରମ୍ଭ ହୋଇଛି । ଜିଲ୍ଲା ପରିଷଦ ଭୁବନେଶ୍ବର ମହାନ୍ତଙ୍କ ଦେହାନ୍ତ ପରେ ଉପନିର୍ବାଚନ ହେଉଛି । ସକାଳ ୭ ଟା ରୁ ଭୋଟିଂ ପ୍ରକ୍ରିୟା ଆରମ୍ଭ ହୋଇଥିବା ବେଳେ ଦିନ ୧୨ ଟାରେ ଶେଷ ହୋଇଛି ।
ମୟୂରଭଞ୍ଜ ସାରସକଣା ୫୬ ନମ୍ବର ଜିଲ୍ଲା ପରିଷଦ ଉପନିର୍ବାଚନ
୫୬ ନମ୍ବର ଜିଲ୍ଲାପରିଷଦ ଜୋନ୍ରେ ମୋଟ ୧୧୧ ଟି ବୁଥ୍ରେ ୩୭୪୦୬ ଜଣ ଭୋଟର ନିଜର ମତଦାନ ସାବ୍ୟସ୍ତ କରିଛନ୍ତି । ସାରସକଣା ବ୍ଲକର ୮ ଟି ପଞ୍ଚାୟତ ଉମାଦେଇପୁର, ଧାଙ୍ଗିଦିଷୋଳ, ପାଣ୍ଡରା, ଜାଲଦା, ଭୁରଶାଣି, ରାଜାଲୋକା, ଝାରପୋଖରିଆ, ଶୀର୍ଷା ପଞ୍ଚାୟତ ରେ ନିର୍ବାଚନ ହେଉଛି।
ମୋଟ ଭୋଟର ୧୮୮୦୩ ପୁରୁଷ,୧୮୬୦୦ ମହିଳା ଭୋଟର ଅଛନ୍ତି। ତେବେ ନିର୍ବାଚନୀ ମୈଦାନରେ ୫ ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି ଭୋଟର। ତେବେ କୋରୋନା କଟକଣା ମଧ୍ୟରେ ଭୋଟିଂ ପ୍ରକ୍ରିୟା ଆରମ୍ଭ ହୋଇଥିବା ବେଳେ ପ୍ରଶାସନ ପକ୍ଷରୁ ଭୋଟରଙ୍କ ଥର୍ମାଲ ଟେଷ୍ଟ କରାଯିବା ସହ ସାନିଟାଇଜର ଦିଆଯାଉଛି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
