ବାରିପଦା: ରକ୍ଷକ ସାଜିଥିଲା ଭକ୍ଷକ । ଜଣେ ପୋଲିସ କର୍ମଚାରୀ ଛାତ୍ରୀଙ୍କୁ ଅସଦାଚରଣ କରିଥିବା ଅଭିଯୋଗରେ ଲୋକେ ଉକ୍ତ ପୋଲିସ କର୍ମଚାରୀଙ୍କୁ ବାନ୍ଧିଥିଲେ । ଏପରି ଲଜ୍ଜାଜନକ ଘଟଣା ଘଟିଥିଲା ଗତକାଲି । ଆଉ ଆଜି ମୟୁରଭଞ୍ଜ ଏସପି ଅଭିଯୁକ୍ତ ପୋଲିସ ଅଧିକାରୀଙ୍କୁ କାର୍ଯ୍ୟରୁ ନିଳମ୍ବନ କରିଛନ୍ତି। ଜଣେ ଚତୁର୍ଥ ଶ୍ରେଣୀ ପୋଲିସ କର୍ମଚାରୀ ଇଣ୍ଡୋର ଷ୍ଟାଡିୟମ ଦେଇ ଆସୁଥିବା ଜଣେ ଅଷ୍ଟମ ଶ୍ରେଣୀ ଛାତ୍ରୀଙ୍କୁ ଜୋର ଜବରଦସ୍ତ ଟଣାଓଟରା କରିଥିଲେ । ଏଥିସହ ଏକ ନିଛାଟିଆ ସ୍ଥାନରେ ଥିବା ପମ୍ପ ହାଉସ ନିକଟକୁ ଟାଣି ନେଇଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୁରଭଞ୍ଜ
ଏହି ଘଟଣା ଜଣା ପଡିବା ପରେ ଲୋକେ ଅଭିଯୁକ୍ତ ପୋଲିସ ଅଧିକାରୀଙ୍କୁ ବିଦ୍ୟୁତ ଖୁଣ୍ଟରେ ବାନ୍ଧି ପୋଲିସକୁ ଖବର ଦେଇଥିଲେ । ଆଜି ଏହି ଘଟଣାରେ ଏସପି ପ୍ରତ୍ୟକ୍ଷ ଭାବେ ହସ୍ତକ୍ଷେପ କରି ଅଭିଯୁକ୍ତଙ୍କୁ ଗିରଫ କରିବା ସହ କାର୍ଯ୍ୟରୁ ମଧ୍ୟ ନିଲମ୍ବନ କରିଛନ୍ତି।
ମୟୁରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
