ବାରିପଦା: ଶନିବାର ମଣ୍ଡପରେ ମା’ ଦୁର୍ଗାଙ୍କ ମହାସପ୍ତମୀ ପୂଜା ଅନୁଷ୍ଠିତ ହୋଇଯାଇଛି । ସେହିପରି ଦେବୀଙ୍କ ପୀଠରେ ଆଜି ଅଷ୍ଟମୀ ପୂଜା ଅନୁଷ୍ଠିତ ହୋଇଯାଇଛି। ତେବେ ବାରିପଦା ସ୍ଥିତ ୨୦୦ ବର୍ଷ ପୂରାତନ ମା' ଅମ୍ବିକା ଠାକୁରାଣୀଙ୍କ ପୀଠରେ ମଧ୍ୟ ଅଷ୍ଟମୀ ପୂଜା ଅନୁଷ୍ଠିତ ହୋଇଯାଇଛି ।
ମା' ଅମ୍ବିକା ଠାକୁରାଣୀଙ୍କ ଅଷ୍ଟମୀ ପୂଜା
ଦେବୀ ମା' ଅମ୍ବିକା ପ୍ରତ୍ୟେକ ଦିନ ଭିନ୍ନ ଭିନ୍ନ ବେଶରେ ଶ୍ରଦ୍ଧାଳୁଙ୍କୁ ଦର୍ଶନ ଦେଉଛନ୍ତି । ମା' ଅମ୍ବିକାଙ୍କର ବେଶ ଗୁଡିକ ହେଲା ଶୈଳୀପୁତ୍ରୀ, ବ୍ରହ୍ମଚାରିଣୀ, ଚନ୍ଦ୍ରଘଣ୍ଟା, କୁଷ୍ମାଣ୍ଡା, ସ୍କନ୍ଧମାତା, କାତ୍ୟାୟନା, କାଳରାତ୍ରୀ, ମହାଗୌରୀ, ଓ ସିଦ୍ଧିଦାତ୍ରୀ । ଏହି ନବବେଶରେ ଦର୍ଶନ ଦେଇଥାନ୍ତି ମା' ଅମ୍ବିକା ।
ତେବେ ମା'ଙ୍କୁ ଦର୍ଶନ କରିବାପାଇଁ ଜିଲ୍ଲାର ବିଭିନ୍ନ ସ୍ଥାନରୁ ଭକ୍ତମାନେ ଏହି ପୀଠକୁ ଆସିଥାନ୍ତି । ଏଥିସହ ପଡୋଶୀ ରାଜ୍ୟ ଝାଡଖଣ୍ଡ ଓ ପଶ୍ଚିମବଙ୍ଗରୁ ମଧ୍ୟ ଶ୍ରଦ୍ଧାଳୁ ଆସିଥାନ୍ତି ଦର୍ଶନ ପାଇଁ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
