ବାରିପଦା: ବିଜେପି ପକ୍ଷରୁ ନାଗରିକତା ସଂଶୋଧନ ଆଇନ ସପକ୍ଷରେ ବିଶାଳ ଜନଜାଗରଣ ପଦଯାତ୍ରା ଅନୁଷ୍ଠିତ ହୋଇଛି । ଏଥିରେ ରାଜ୍ୟ ବିଜେପି ସଭାପତି ସମୀର ମହାନ୍ତି ଯୋଗ ଦେଇଥିଲେ ।
ଦେଶରେ ନାଗରିକତା ସଂଶୋଧନ ଆଇନ କେନ୍ଦ୍ର ସରକାର ଆଣିବା ପରେ କଂଗ୍ରେସ ଦଳ ସମେତ ବିଭିନ୍ନ ବାମପନ୍ଥୀ ଦଳ ପକ୍ଷରୁ ବିରୋଧ ପ୍ରଦର୍ଶନ କରାଯାଉଥିବା ବେଳେ ଏହି ଆଇନ ଦେଶର ଶରଣାର୍ଥୀଙ୍କ ହିତ ଉଦ୍ଦେଶ୍ୟରେ ବୋଲି କହିଛି ବିଜେପି । ଏହି ଜନଜାଗରଣ ପଦଯାତ୍ରାରେ ହଜାର ହଜାର ବିଜେପି କର୍ମୀ ଏକ ବିରାଟ ଶୋଭାଯାତ୍ରା କରି ବାରିପଦା ମଧୁବନଠାରୁ ବାହାରି ଛଉପଡିଆଠାରେ ପହଞ୍ଚିଥିଲା ।
ଏହି ଶୋଭାଯାତ୍ରାରେ ବିଜେପି ରାଜ୍ୟସଭାପତି ସମୀର ମହାନ୍ତିଙ୍କ ସମତେ ମୟୂରଭଞ୍ଜ ସାଂସଦ ବିଶ୍ବେଶ୍ବର ଟୁଡୁ, ଜିଲ୍ଲାସଭାପତି କାନ୍ଦରା ସରେନ, ଜିଲ୍ଲାର ସମସ୍ତ 6 ବିଜେପି ବିଧାୟକ ଯୋଗ ଦେଇଥିଲେ । ଅନ୍ୟପକ୍ଷେ ବିଜେପିରେ ମିଶିଥିବା ବିଜେଡିର ପୂର୍ବତନ ମନ୍ତ୍ରୀ ରଘୁ ମହାନ୍ତି, ବିଜେଡିର ପୂର୍ବତନ ମୋରଡା ବିଧାୟକ ପ୍ରବୀଣ ଚନ୍ଦ୍ର ଭଞ୍ଜଦେଓ ପ୍ରମୁଖ ଯୋଗ ଦେଇଥିଲେ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
