ବାରିପଦା: ସ୍ତ୍ରୀକୁ ମରଣାନ୍ତକ ଆକ୍ରମଣ ସହ ଯୌତୁକ ନିର୍ଯାତନା ଅଭିଯୋଗରେ ସ୍ବାମୀ ଗିରଫ। ଅଭିଯୁକ୍ତକୁ ପୋଲିସ ଗିରଫ କରି ତଦନ୍ତ ଆରମ୍ଭ କରିଛି । ଏଭଳି ଅଭିଯୋଗ ଆସିଛି ବାରିପଦା ଟାଉନ ଥାନା ସୁନୁଗଡିଆ ଅଞ୍ଚଳରୁ ।
ସ୍ତ୍ରୀକୁ ନିର୍ଯାତନା ଦେଇ ବନ୍ଧା ହେଲା ସ୍ବାମୀ
ସୂଚନା ଅନୁସାରେ, ସୁନୁଗଡିଆ ଅଞ୍ଚଳ ନମିତା ପୂର୍ବରୁ ସ୍ଵାମୀଙ୍କ ସହ ଝଗଡା ହେବା ପରେ ଶ୍ବଶୁର ଘର ଛାଡ଼ି ନିଜ ବାପଘର ବାରିପଦାରେ ରହୁଥିଲେ। ସ୍ବାମୀ ତାଙ୍କୁ ଯୌତୁକ ନିର୍ଯାତନା ଦେବା ସହ ମାଡ ମାରୁଥିଲେ । ଏନେଇ ସେ ଥାନାରେ ଅଭିଯୋଗ କରିଥିଲେ । ଅଭିଯୁକ୍ତ ସ୍ବାମୀ ଜଣକ ବାଲେଶ୍ବର ଜିଲ୍ଲା ବସ୍ତା ଅଞ୍ଚଳର ହୋଇଥିବା ଦେବାଶିଷ ଦାସ ବୋଲି ଜଣାପଡିଛି । ସେ ସେଠାରେ ଇଲେକ୍ଟ୍ରି ଠିକାଦାର ଭାବେ କାର୍ଯ୍ୟ କରନ୍ତି । ଅଭିଯୁକ୍ତ ସ୍ବାମୀଙ୍କୁ ଗିରଫ କରିବା ସହ ତାଙ୍କର କାରକୁ ଜବତ କରାଯାଇଛି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
