ବାରିପଦା: ମୟୂରଭଞ୍ଜ 18 ନମ୍ବର ଜାତୀୟ ରାଜପଥ ବୈଶିଙ୍ଗା ଥାନା ଜୁରୁକା ଛକରେ ବସ -ଡମ୍ଫର ମୁହାଁମୁହିଁ ଧକ୍କା । ଅଳ୍ପକେ ମୃତ୍ୟୁ ମୁଖରୁ ବର୍ତ୍ତିଲେ 50 ରୁ ଅଧିକ ଯାତ୍ରୀ । ଦୁର୍ଘଟଣାରେ ବସ ଡ୍ରାଇଭର ଗୁରୁତର ହୋଇଥିବା ବେଳେ ହେଲପର ଆହତ ହୋଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା,ମୟୂରଭଞ୍ଜ
ସାହୁ ନାମକ ଏକ ଘରୋଇ ବସ ବାରିପଦାରୁ ବାଲେଶ୍ବର ଯାତ୍ରା କରୁଥିବା ସମୟରେ ଦୁର୍ଘଟଣାଗ୍ରସ୍ତ ହୋଇଛି । ଦ୍ରୁତ ଗତିରେ ଯୁଗପୁରା ମେରଦା ରାସ୍ତାରୁ ଜାତୀୟ ରାଜପଥକୁ ଚଢ଼ୁଥିବା ସମୟରେ ଡ଼ମ୍ଫରକୁ ଧକ୍କା ଦେଇଥିଲା ବସ । ଫଳରେ ଡମ୍ପରଟି ରାସ୍ତା କଡ଼କୁ ଓଲଟି ପଡିଥିଲା ।
ଏପଟେ ବସ ଡ୍ରାଇଭର ଓ ହେଲପରଙ୍କୁ ଚିକିତ୍ସା ପାଇଁ ବୈସିଙ୍ଗା ଡାକ୍ତରଖାନାରେ ଭର୍ତ୍ତି କରାଯାଇଛି । ଖବର ପାଇ ଘଟଣା ସ୍ଥଳରେ ବୈସିଙ୍ଗା ପୋଲିସ ପହଞ୍ଚି ଘଟଣାକୁ ଅନୁଧ୍ୟାନ କରୁଛି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି,ଇଟିଭି ଭାରତ
