ବାରିପଦା: ଦିନ ଦ୍ୱିପ୍ରହରରେ ମହିଳାଙ୍କ ବେକରୁ ସୁନା ଚେନ୍ ଲୁଟିନେଲେ ସ୍କୁଟିରେ ଆସିଥିବା ଦୁଇ ଦୁର୍ବୃତ୍ତ । ଘଟଣା ଘଟିଛି ବାରିପଦା ସହରର ଜନଗହଳିପୂର୍ଣ୍ଣ ଷ୍ଟେସନ ବଜାର ୧୧ ନମ୍ବର ୱାର୍ଡରେ । କଳ୍ପନା ଘୋଷ ନାମକ ଜଣେ ମହିଳା ମାର୍କେଟରୁ ଘରକୁ ଫେରୁଥିବା ବେଳେ ଗୋଟିଏ ଧଳା ସ୍କୁଟିରେ ୨ ଜଣ ଯୁବକ ଆସି ଏକ ଠିକଣା ପଚାରିଥିଲେ ।
ଦିନ ଦ୍ୱିପ୍ରହରରେ ମହିଳାଙ୍କ ବେକରୁ ସୁନା ଚେନ ଲୁଟିନେଲେ ଦୁର୍ବୁତ୍ତ
ତେବେ ମହିଳା ଜଣକ କିଛି ନକହି ସେଠାରୁ ପଳାଇ ଯାଉଥିବା ବେଳେ ପଛରୁ ଆସି ମହିଳା ଜଣକ ପିନ୍ଧିଥିବା ସୁନା ଚେନକୁ ଛିଡାଇ ନେଇ ଚମ୍ପଟ ମାରିଥିଲେ ଲୁଟେରା । ମହିଳା ଜଣକ ଏ ସମ୍ବନ୍ଧରେ ବାରିପଦା ଟାଉନ ଥାନାରେ ଲିଖିତ ଅଭିଯୋଗ କରିଥିବା ବେଳେ ବାରିପଦା ଟାଉନ ପୋଲିସ ଘଟାସ୍ଥଳକୁ ଯାଇ ତଦନ୍ତ ଜାରି ରଖିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
