ବାରିପଦା: ରାଜ୍ୟରେ ଲଘୁଚାପ ଜନିତ ବର୍ଷା ଜାରି ରହିଛି । ଲଗାଣ ବର୍ଷା ଯୋଗୁଁ ଜରାଳି ଓ ସରାଳି ନଦୀରେ ବନ୍ୟା ପରିସ୍ଥିତି ସୃଷ୍ଟି ହୋଇ ବାରିପଦା ସହରରେ ବନ୍ୟାଜଳ ପଶିଛି ।
ଲଗାଣ ବର୍ଷାରେ ବାରିପଦା ସହରରେ ବନ୍ୟା ପରିସ୍ଥିତି
ବାରିପଦା ମ୍ୟୁନିସିପାଲିଟିର ୱାର୍ଡ ନମ୍ବର ୩,୧୦,୧୫,୧୭ ରେ ବନ୍ୟାଜଳ ପଶିଛି । ସେହିପରି ବାରିପଦା ଶୁନ ଗଡ଼ିଆ ଅଞ୍ଚଳରେ ଲୋକଙ୍କ ଘରେ ମଧ୍ୟ ବନ୍ୟାଜଳ ପ୍ରବେଶ କରିଛି । ବନ୍ୟା ସ୍ଥିତି ପରଖିବା ପାଇଁ ତହସିଲଦାର, ଅତିରିକ୍ତ ଜିଲ୍ଲାପାଳ ଘଟଣାସ୍ଥଳ ବୁଲି ଦେଖୁଛନ୍ତି। ଏପଟେ ବୁଢ଼ାବଳଙ୍ଗ ନଦୀରେ ଜଳସ୍ତର ବୃଦ୍ଧି ଦେଉଥିବା ଦେଖିବାକୁ ମିଳିଛି ।
ମଙ୍ଗଳବାର ରାତିରେ ବର୍ଷାର ପରିମାଣ ବଢିଥିବାରୁ ଏଭଳି ସ୍ଥିତି ସୃଷ୍ଟି ହୋଇଛି । ଯାହାକୁ ନେଇ ଜରାଳି, ସରାଳି, ବୁଢ଼ାବଳଙ୍ଗ ନଦୀର ତଳିଆ ଅଞ୍ଚଳରେ ଲୋକେ ଭୟଭୀତ ଅବସ୍ଥାରେ ଅଛନ୍ତି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
