ରାଇରଙ୍ଗପୁର: ମର୍ମନ୍ତୁଦ ସଡକ ଦୁର୍ଘଟଣାରେ 5 ଆହତ । ମୟୂରଭଞ୍ଜ ଜିଲ୍ଲା କରଞ୍ଜିଆ ଥାନା ଅନ୍ତର୍ଗତ ବୁଢ଼ୀସରେଇ ଛକ ନିକଟରେ ଏକ ମର୍ମନ୍ତୁଦ ସଡକ ଦୁର୍ଘଟଣାରେ 5 ଜଣ ଆହତ ହୋଇଥିବା ଜଣାପଡିଛି ।
ମର୍ମନ୍ତୁଦ ସଡକ ଦୁର୍ଘଟଣା
କେନ୍ଦୁଝର ବେଗୁନା ଗ୍ରାମରୁ ପାଞ୍ଚଜଣ ସାଙ୍ଗ ଏକ କାର ଯୋଗେ କୌଣସି କାମରେ ସିଙ୍ଗଡା ପଟକୁ ଯାଉଥିଲେ। ସେହି ସମୟରେ ବୁଢ଼ୀସରେଇ ଛକ ନିକଟରେ ଥିବା ଏକ ନିମ୍ବ ଗଛକୁ କାରଟି ଧକ୍କା ଦେଇଥିଲା । ଫଳରେ କାରରେ ଥିବା ପାଞ୍ଚଜଣଙ୍କ ମଧ୍ୟରୁ ତିନି ଜଣ ଗୁରୁତର ଆହତ ହୋଇଥିବାବେଳେ ଦୁଇ ଜଣ ସାମାନ୍ୟ ଆହତ ହୋଇଥିବା ଜଣାପଡିଛି ।
ସମସ୍ତ ଆହତଙ୍କୁ ଉଦ୍ଧାର କରାଯାଇ କରଞ୍ଜିଆ ଡ଼ାକ୍ତରଖାନାକୁ ପଠାଯାଇଛି । ସେପଟେ ଯୁବକଙ୍କ ପରିଚୟ ମିଳି ନଥିଲେ ମଧ୍ୟ ସମସ୍ତେ କେନ୍ଦୁଝର ଜିଲ୍ଲା ବେଗୁନା ଗ୍ରାମର ବୋଲି ଜଣାପଡ଼ିଛି । ଏ ନେଇ କରଞ୍ଜିଆ ଥାନା ପୋଲିସ ତଦନ୍ତ ଜାରି ରଖିଥିବା ସୂଚନା ମିଳିଛି।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
