ବାରିପଦା: ମୟୂରଭଞ୍ଜ ଜିଲ୍ଲା ହଳଦୀପାଳ ଗ୍ରାମପଞ୍ଚାୟତର କମାରଗଡ଼ିଆ ଗାଁରେ ଭୟାବହ ଅଗ୍ନିକାଣ୍ଡ । ସର୍ଟ ସର୍କିଟରୁ ଜଳିଗଲା ୧୨ ବଖରା ।
ସର୍ଟ ସର୍କିଟରୁ ଅଗ୍ନିକାଣ୍ଡ
ଶୁକ୍ରବାର କମାରଗଡ଼ିଆ ଗାଁର ପଦନ ମୁର୍ମୁ, ଠୁମ୍ପୁ ମୁର୍ମୁ, ବାରସା ମୁର୍ମୁ ଏବଂ ରାଇମଣୀ ମୁର୍ମୁଙ୍କ ଘର ପୋଡିଯାଇଛି । ହଠାତ ନିଆଁ ଲାଗିବା ପରେ ଘରେ ଥିବା ଆସବାବପତ୍ର ଠାରୁ ଆରମ୍ଭ କରି ଟଙ୍କା ପଇସା ସବୁ କିଛି ଜଳି ଯାଇଛି ।
ଖବର ପାଇ ଚିତ୍ରଡା ଅଗ୍ନିଶମ ବିଭାଗର କର୍ମଚାରୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ଅଗ୍ନିକାଣ୍ଡରେ ସର୍ବସ୍ବାନ୍ତ ପରିବାରଙ୍କୁ ସରକାରୀ ସହାୟତା ଦେବାକୁ ବିଭିନ୍ନ ମହଲରୁ ଦାବି ହେଉଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
