ରାଇରଙ୍ଗପୁର:କିଛିଦିନର ବ୍ୟବଧାନ ପରେ ପୁଣି ମାତିଲେ ହାତୀପଲ । ମୟୂରଭଞ୍ଜ ଜିଲ୍ଲା କରଞ୍ଜିଆକୁ ପୁଣି ପଶି ଆସିଲେ ଝାଡ଼ଖଣ୍ଡୀ ହାତୀ। ଦେଢ଼ ମାସର ବ୍ୟବଧାନ ପରେ ରବିବାର ୧୭ ଟିକିଆ ଝାଡ଼ଖଣ୍ଡୀ ହାତୀପଲ କରଞ୍ଜିଆ ଅଞ୍ଚଳରେ ପ୍ରବେଶ କରିଛନ୍ତି । ମୟୂରଭଞ୍ଜର ସୀମାନ୍ତ ଜିଲ୍ଲା କେନ୍ଦୁଝରରୁ ବୈତରଣୀ ନଦୀ ପାର ହୋଇ କରଞ୍ଜିଆ ବନଖଣ୍ଡକୁ ପ୍ରବେଶ କରିଛନ୍ତି ଏହି ୧୭ ଟିକିଆ ହାତୀପଲ ।
କରଞ୍ଜିଆରେ ଝାଡ଼ଖଣ୍ଡି ହାତୀ ପଲ
ବର୍ତ୍ତମାନ ଘରମାବେଡା ଜଙ୍ଗଲରେ ଥିବା ବନବିଭାଗ ପକ୍ଷରୁ ସୂଚନା ମିଳିଛି। ତେବେ ଏହି ସମୟରେ ବିଲରେ ଧାନ ପାଚିବାକୁ ଥିବାବେଳେ କେତେକାଂଶରେ ଅମଳ ସମୟ ଆସିଲାଣି । ଯାହାଫଳରେ ହାତୀପଲ ଫସଲ ଖାଇବା ସହିତ ଦଳିଚକଟି ନଷ୍ଟ ମଧ୍ୟ କରିଥିବା ଦେଖିବାକୁ ମିଳିଛି ।
ହାତୀ ଭୟରେ ଅଞ୍ଚଳବାସୀ ଆତଙ୍କିତ ଅବସ୍ଥାରେ ରହିଥିବା ବେଳେ ହାତୀପଲଙ୍କୁ ଘୋଉଡାଇବାକୁ ବନବିଭାଗ ପକ୍ଷରୁ ପ୍ରୟାସ କରାଯାଉଛି ବୋଲି ସୂଚନା ଦେଇଛନ୍ତି ବିଭାଗୀୟ ରେଞ୍ଜ ଅଧିକାରୀ ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
