ରାଇରଙ୍ଗପୁର : ମୟୂରଭଞ୍ଜ ଜିଲ୍ଲା କରଞ୍ଜିଆ ବନଖଣ୍ଡ ଠାକୁରମୁଣ୍ଡା ରେଞ୍ଜ ସାରବିଲ ଗାଁରେ ହାତୀ ଆତଙ୍କ ଦେଖିବାକୁ ମିଳିଛି । ହାତୀପଲରୁ 4-5ଟି ହାତୀ ଅଲଗା ହୋଇ ସାରବିଲ ଗାଁରେ ପାଞ୍ଚ ବଖରା ଘର ଭାଙ୍ଗିବା ସହିତ ଧାନ ଚାଉଳ ଖାଇବା ସହିତ ଅନେକ ସାମଗ୍ରୀ ନଷ୍ଟ କରିଥିବାର ସୂଚନା ମିଳିଛି ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ହାତୀକୁ ନେଇ ସ୍ଥାନୀୟ ଲୋକେ ଆତଙ୍କିତ ଥିବା ବେଳେ ବନବିଭାଗ ତଦନ୍ତ ଆରମ୍ଭ କରିଛି। ହାତୀପଲ ସାରବିଲ ଗାଁ ନିକଟ ଜଙ୍ଗଲରେ ଥିବା ବନବିଭାଗ ତରଫରୁ ସୂଚନା ମିଳିଛି । ପ୍ରାୟ ଏକ ମାସ ପାଖାପାଖି ହେବ କରଞ୍ଜିଆ ବନଖଣ୍ଡରେ ହାତୀ ଉପଦ୍ରବ ଥମି ଯାଇଥିବା ବେଳେ ପୁଣି ଆଉ ଥରେ ହାତୀ ଆତଙ୍କ ଦେଖା ଦେଇଛି । ବନବିଭାଗ ପକ୍ଷରୁ କୌଣସି ଉପଯୁକ୍ତ ପଦକ୍ଷେପ ଗ୍ରହଣ ନ କରିବା ଯୋଗୁଁ ହାତୀ ଉପଦ୍ରବ ବଢିବାରେ ଲାଗିଛି ବୋଲି ସାଧାରଣରେ ଆଲୋଚନା ହେଉଛି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
