ରାଇରଙ୍ଗପୁର: ବାଲି ଗଦାରୁ ଅଜଣା ମୃତଦେହ ଉଦ୍ଧାର । ଏପରି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ଗ୍ରାମାଞ୍ଚଳ ଥାନା ଅଧିନରେ ଥିବା ଦାମୁଡିଗୋଡା ଗ୍ରାମର କେସିଡିକେ ମହାବିଦ୍ୟାଳୟ ପରିସର ଭିତରେ ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ସୂଚନା ଅନୁଯାୟୀ କଲେଜ ପରିସରରେ ଜଣେ ଅଜଣା ବ୍ୟକ୍ତିଙ୍କ ମୃତଦେହ ବାଲିରେ ଢଙ୍କା ହୋଇଥିବା ଦେଖି କଲେଜ କର୍ତ୍ତୃପକ୍ଷ ପୋଲିସକୁ ଖବର ଦେଇଥିଲେ । ଖବର ପାଇ ଗ୍ରାମାଞ୍ଚଳ ପୋଲିସ ରାଇରଙ୍ଗପୁର ଏସଡିପିଓଙ୍କୁ ଖବର ଦେଇଥିଲେ । ଏସଡିପିଓ ଆସି ଘଟଣାର ଛାନଭିନ କରିବା ସହ ବାରିପଦାରୁ ସାଇଣ୍ଟିଫିକ ଟିମ୍ ଡ଼କାଇ ଥିବା ଜଣାପଡିଛି ।
ତେବେ ତଦନ୍ତ ପରେ ମୃତ ଦେହର ପରିଚୟ ମିଳିବା ସହିତ ହତ୍ୟାରେ କିଏ କିଏ ଜଡିତ ତାହା ଜଣାପଡିବ ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
