ରାଇରଙ୍ଗପୁର: ଜଣେ ଅଜଣା ଯୁବକଙ୍କ କ୍ଷତ ବିକ୍ଷତ ଫୁଙ୍ଗୁଳା ମୃତଦେହ ଉଦ୍ଧାର କରାଯାଇଛି । ବିଶୋଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହିତ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ରାଇରଙ୍ଗପୁର ଡାକ୍ତରଖାନାକୁ ପଠାଇଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ବିଶୋଇ ଥାନା ଅଧୀନରେ ଥିବା ଖଡମ୍ବେଡା ଗ୍ରାମ ନିକଟସ୍ଥ ୪୯ ନଂ ଜାତୀୟ ରାଜପଥ କଡ଼ରୁ ଏହି ମୃତଦେହ ଉଦ୍ଧାର କରାଯାଇଛି । ମୃତ ଯୁବକଙ୍କ ପରିଚୟ ମିଳି ପାରିନଥିବାବେଳେ ବୟସ ପାଖାପାଖି ୨୫ ରୁ ୩୦ ବର୍ଷ ହୋଇଥିବା କୁହାଯାଉଛି । ମୃତ ଶରୀରର ହାତ ଓ ମୁହଁରେ କ୍ଷତ ଚିହ୍ନରୁ ତାଙ୍କୁ କେହି ହତ୍ୟା କରିଥିବାର ଅନୁମାନ କରାଯାଉଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
