ବାରିପଦା: ମୟୂରଭଞ୍ଜ ଜିଲ୍ଲା ଖୁଣ୍ଟା ଥାନା କାହ୍ନୁପୁର ଗାଁ ଚାଷଜମିରୁ ଯୁବକଙ୍କ ମୃତଦେହ ମିଳିଛି । ସ୍ଥାନୀୟ ଲୋକେ ସକାଳେ ବିଲକୁ ଯାଉଥିବା ବେଳେ ଉକ୍ତ ଯୁବକ ଜଣକ ତଳେ ପଡି ଛଟପଟ ହେଉଥିବା ଦେଖିଥିଲେ । ପରେ ତାଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଇଥିଲେ । କିନ୍ତୁ ଚିକିତ୍ସାଧୀନ ଅବସ୍ଥାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି |
ମୃତକ ଜଣକ ହେଲେ ଖୁଣ୍ଟା ଥାନା କଇମି ଗ୍ରାମର ମାତୁ ମୁର୍ମୁ । ମୃତ୍ୟୁର କାରଣ ଏବେ ବି ଅସ୍ପଷ୍ଟ ରହିଛି । ମାତୁଙ୍କ ଘର କାହ୍ନୁପୁର ଗାଁ ଠାରୁ ଦୁଇ କିଲୋମିଟର ଦୂର ହୋଇଥିବା ବେଳେ ସେ ସେଠାକୁ ଆସିଲେ କିପରି ଏବଂ ସେଠାରେ ମୁର୍ମୁଷୁ ଅବସ୍ଥାରେ ପଡ଼ି ରହିଲେ କିପରି ତାହା ଏବେ ବି ଅସ୍ପଷ୍ଟ ।
ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ପୋଲିସ ଏହାକୁ ହତ୍ୟାକାଣ୍ଡ କିମ୍ବା ସାପ କାମୁଡ଼ିବା ଫଳରେ ତାଙ୍କର ମୃତ୍ୟୁ ହୋଇଛି ହୋଇଛି ବୋଲି ସନ୍ଦେହ କରୁଛି । ମୃତଦେହକୁ ଜବତ କରିବା ସହିତ ତଦନ୍ତ ଆରମ୍ଭ କରିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
