ବାରିପଦା: ଜିଲ୍ଲାର ବେତନଟୀ ଥାନା ଅନ୍ତର୍ଗତ ୧୮ ନମ୍ବର ଜାତୀୟ ରାଜପଥର ବୁଢୀଖୋମାରି ଷ୍ଟେଟ ବ୍ୟାଙ୍କ ସମ୍ମୁଖରେ ସଡକ ଦୁର୍ଘଟଣା । ଯେଉଁଥିରେ ମୋରଡା ବ୍ଲକର ଦାନ୍ତିଆମୁହାଁ ପଞ୍ଚାୟତର କାର୍ଯ୍ୟ ନିର୍ବାହୀ ଅଧିକାରୀ ଅନିଲ କୁମାର ମହାନ୍ତିଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି ।
ସୂଚନା ଅନୁଯାୟୀ ମୃତକ ମହାନ୍ତି ନିଜ କାର୍ଯ୍ୟରେ ଯୋଗଦେବା ପାଇଁ ମୋଟର ସାଇକେଲରେ ଦାନ୍ତିଆମୁହାଁ ଗ୍ରାମପଞ୍ଚାୟତ ଅଫିସକୁ ଆସୁଥିଲେ । ଏହି ସମୟରେ ସ୍କପିଓ ଗାଡିର ସାମ୍ନା ଚକ ଫାଟି ଯିବାରୁ ଭାରସାମ୍ୟ ହରାଇ ତାଙ୍କୁ ଧକ୍କା ଦେଇଥିଲା।
ଘଟଣାସ୍ଥଳରେ ଅନିଲଙ୍କ ମୃତ୍ୟୁ ହୋଇଥିବା ବେଳେ ଘଟଣା ସ୍ଥଳରେ ବେତନଟୀ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
