ରାଇରଙ୍ଗପୁର: ସମଗ୍ର ଦେଶରେ 21 ଦିନ ପାଇଁ ଲକ୍ ଡାଉନ୍ ଘୋଷଣା ହେବା ପରେ ଆଜି ଦ୍ବିତୀୟ ଦିନରେ ମୟୂରଭଞ୍ଜ ଜିଲ୍ଲାର ରାଇରଙ୍ଗପୁର ସହରରେ ପୋଲିସ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରୁଥିବା ଦେଖିବାକୁ ମିଳିଛି ।
କୋରୋନା ସଂକ୍ରମଣକୁ ରୋକିବା ପାଇଁ ରାଇରଙ୍ଗପୁରରେ ପୋଲିସର ଦୃଢ଼ କାର୍ଯ୍ୟାନୁଷ୍ଠାନ
ଅଧିକାଂଶ ବେପରୁଆ ଲୋକଙ୍କୁ ବାରମ୍ବାର ସଚେତନ କରେଇବା ସତ୍ତ୍ବେ ବି ଘରେ ନ ରହି ବାରମ୍ବାର ବଜାରକୁ ଆସୁଛନ୍ତି । ଫଳରେ ପୋଲିସ ଉକ୍ତ ଲୋକଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରି ବାଇକକୁ ଜବତ କରିବା ସହ ଚାଳକଙ୍କୁ ମଧ୍ୟ ଥାନାକୁ ନେଇ ଅଟକ ରଖିଛନ୍ତି ।
କୋରୋନା ସଂକ୍ରମଣକୁ ରୋକିବା ପାଇଁ ଗଳିକନ୍ଦି ଠାରୁ ଆରମ୍ଭ କରି ସମସ୍ତ ସ୍ଥାନରେ ପୋଲିସ ତରଫରୁ ପଦକ୍ଷେପ ଗ୍ରହଣ କରାଯାଉଛି । ଅନ୍ୟପଟେ ତେଜରାତି ଦୋକାନଗୁଡିକରେ ଭିଡଭାଡକୁ ଦୃଷ୍ଟିରେ ରଖି ସମସ୍ତଙ୍କୁ ଏକ ମିଟର ଦୂରତାରେ ରହି ତେଜରାତି ସାମଗ୍ରୀ କିଣିବା ପାଇଁ ପୋଲିସ ପକ୍ଷରୁ ପରାମର୍ଶ ଦିଆଯାଇଛି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
