ବାରିପଦା: ରାହୁଲ ଗାନ୍ଧୀଙ୍କ ଜନ୍ମ ତିଥିରେ ଗରିବଙ୍କୁ ମାସ୍କ ବାଣ୍ଟିଲା କଂଗ୍ରେସ। ମୟୂରଭଞ୍ଜ ଜିଲ୍ଲା ମୋରଡ଼ା ନିର୍ବାଚନ ମଣ୍ଡଳୀର ବିଭିନ୍ନ ସ୍ଥାନରେ ଗରିବ ଲୋକଙ୍କୁ କୋରୋନା ମହାମାରୀ ରୋଗରୁ ରକ୍ଷା ପାଇଁ ସଚେତନ କରାଇବା ସହ ମାସ୍କ ବାଣ୍ଟିଲେ କଂଗ୍ରେସ ନେତା ପ୍ରଭାସ କର ମହାପାତ୍ର।
ସାରା ବିଶ୍ଵରେ କୋରୋନା ମହାମାରୀ ଆତଙ୍କ ସୃଷ୍ଟି କରିଥିବା ବେଳେ ଆଜି ରାହୁଲ ଗାନ୍ଧୀଙ୍କ ଜନ୍ମଦିନକୁ ନିଆରା ଢଙ୍ଗରେ ପାଳିଛି କଂଗ୍ରେସ। ମୟୂରଭଞ୍ଜ ଜିଲ୍ଲା ମୋରଡ଼ା ନିର୍ବାଚନ ମଣ୍ଡଳୀର ବିଭିନ୍ନ ହାଟ ବଜାରରେ ଗରିବଙ୍କୁ ମାସ୍କ ବଣ୍ଟନ କରି ରାହୁଲ ଗାନ୍ଧୀଙ୍କ ଜନ୍ମଦିନ ପାଳନ କରିଛି କଂଗ୍ରେସ। କଂଗ୍ରେସ ନେତା ତଥା ମୋରଡ଼ା ନିର୍ବାଚନ ମଣ୍ଡଳୀର ପୂର୍ବତନ କଂଗ୍ରେସ ବିଧାୟକ ପ୍ରାର୍ଥୀ ପ୍ରଭାସ କର ମହାପାତ୍ର ଆଜି ମୋରଡ଼ା ନିର୍ବାଚନ ମଣ୍ଡଳୀର ହାଟ ବଜାରରେ ଗରିବ ଲୋକଙ୍କୁ ମାସ୍କ ବଣ୍ଟନ କରିଛନ୍ତି । ମାସ୍କ ବାଣ୍ଟିବା ସହ ଲୋକଙ୍କୁ କୋରୋନା ମହାମାରୀରୁ ନିଜକୁ କିପରି ସୁରକ୍ଷିତ ରଖିବେ ସେଥିପାଇଁ ସଚେତନ ମଧ୍ୟ କରିଛନ୍ତି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
