ବାରିପଦା: ପୋଖରୀରେ ବୁଡି ଶିଶୁକନ୍ୟାର ମୃତ୍ୟୁ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ମୟୂରଭଞ୍ଜ ଜିଲ୍ଲା ତୋଟାପଡା ଗାଁରେ ଘଟିଛି ଏ ଘଟଣା । ସୂଚନା ଅନୁଯାୟୀ, ଶିଶୁ କନ୍ୟା ଜଣଙ୍କ ମାମୁଁ ଘରକୁ ଅଷ୍ଟମୀରେ ପଢୁଆଁ ହେବା ପାଇଁ ଆସିଥିଲା । ହେଲେ ଖେଳୁଥିବା ସମୟରେ ହଠାତ ନିଖୋଜ ହୋଇଯାଇଥିଲା ।
ତେବେ ମାମୁଁ ଘର ଲୋକେ ଘରେ ଶିଶୁକୁ ନ ପାଇ ଖୋଜାଖୋଜି କରିବାରୁ ଘର ପଛପାଖ ପୋଖରୀରେ ଭାସୁଥିବା ଅବସ୍ଥାରେ ଦେଖିବାକୁ ପାଇଥିଲେ। ତୁରନ୍ତ ନିକଟସ୍ଥ ପ୍ରାଥମିକ ଚିକିତ୍ସାଳୟକୁ ନେଇଥିଲେ । ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତକ ଶିଶୁ ହେଲେ ରାଘବପୁର ପଞ୍ଚାୟତର କେନ୍ଦୁଡିହାର ରାମ ହାଁସଦାଙ୍କ ଶିଶୁ କନ୍ୟା ଲକ୍ଷ୍ମୀ ହାଁସଦା । ଖବର ପାଇ ରାସଗୋବିନ୍ଦପୁର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
