ବାରିପଦା ବସଷ୍ଟାଣ୍ଡରେ ଘରୋଇ ବସରୁ ୪୮ କେଜି ଗଞ୍ଜେଇ ଜବତ, ୩ ଗିରଫ

କଲିକତାରୁ ଆସୁଥିବା ଏକ ଘରୋଇ ବସରୁ ବାରିପଦା ବସଷ୍ଟାଣ୍ଡରେ ଠାରେ ଗଞ୍ଜେଇ ଜବତ କରାଯାଇଛି । ଏଥିସହ ତିନି ଜଣଙ୍କୁ ଗିରଫ କରିଛି ପୋଲିସ । ଅଧିକ ପଢନ୍ତୁ

ବାରିପଦା: ପାସେଞ୍ଜର ବସରେ ଗଞ୍ଜେଇ ଚୋରା ଚାଲାଣ । ବାରିପଦାର ବସଷ୍ଟାଣ୍ଡରେ ଥିବା ଦାସ ଏଣ୍ଡ ଦାସ ନାମକ ଏକ କଲିକତା ବସରୁ ବିପୁଳ ପରିମାଣର ଗଞ୍ଜେଇ ଜବତ ହୋଇଛି । ଘଟଣାରେ ପୋଲିସ ୩ ଜଣଙ୍କୁ ଗିରଫ କରିଥିବା ସୂଚନା ମିଳିଛି । ବିଶେଷ ସୂତ୍ରରୁ ଖବର ପାଇ ଘଟଣାସ୍ଥଳରେ ବାରିପଦା ଟାଉନ ପୋଲିସ ପହଞ୍ଚି ବସ୍‌କୁ ଯାଞ୍ଚ କରିଥିଲା ।

ଏହି ଯାଞ୍ଚ ସମୟରେ ଚାରୋଟି ଗଞ୍ଜେଇ ଭର୍ତ୍ତି ବ୍ୟାଗକୁ ଜବତ କରିଛି ପୋଲିସ । ବାରିପଦାରୁ କଲିକତା ଯାଉଥିବା ଏହି ବସଟି ଷ୍ଟାଣ୍ଡ୍ ଛାଡିବା ବେଳକୁ ପୋଲିସ ବସଟିକୁ ଅଟକାଇ ଏହି ଗଞ୍ଜେଇ ଜବତ କରିଛି । ତା’ସହିତ ତିନି ଜଣଙ୍କୁ ଗିରଫ କରି ପଚରାଉଚରା ଜାରି ରଖିଛି ପୋଲିସ । ତେବେ ଜବତ ଗଞ୍ଜେଇର ଓଜନ ୪୮କେଜିରୁ ଊର୍ଦ୍ଧ୍ବ ହେବ ବୋଲି ଅନୁମାନ କରାଯାଉଛି ।

ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ