ରାଇରଙ୍ଗପୁର: ମୟୂରଭଞ୍ଜ ଜିଲ୍ଲାର ଯାମଦା ପଞ୍ଚାୟତ ସମିତି କାର୍ଯ୍ୟାଳୟରେ ବୁଧବାର ଉପାଧ୍ୟକ୍ଷ ପଦ ପାଇଁ ଉପନିର୍ବାଚନ ହୋଇଛି । ଏହି ନିର୍ବାଚନରେ ବିଜେଡ଼ି ସମର୍ଥୀତ ପ୍ରାର୍ଥୀ ସଂଗ୍ରାମ ମୁର୍ମୁ ବିଜୟୀ ହୋଇଛନ୍ତି । ସେ ତାଙ୍କ ପ୍ରତିଦ୍ବନ୍ଦ୍ବୀ ବିଜେପି ସମର୍ଥୀତ ପ୍ରାର୍ଥୀ ଦୁଃଖୀଶ୍ୟାମ ହେମ୍ବ୍ରମଙ୍କୁ ୩ ଖଣ୍ଡ ଭୋଟରେ ପରାସ୍ତ କରିଛନ୍ତି । ସଂଗ୍ରାମ ମୁର୍ମୁ ୬ ଖଣ୍ଡ ଭୋଟ ପାଇଥିବା ବେଳେ ଦୁଃଖୀଶ୍ୟାମ ହେମ୍ବ୍ରମ ୩ ଖଣ୍ଡ ଭୋଟ ପାଇ ପରାଜିତ ହୋଇଛନ୍ତି ।
ପୂର୍ବରୁ ବ୍ଲକ ଉପାଧ୍ୟକ୍ଷ ଏମଡି ଜିଲାନିଙ୍କ ମୃତ୍ୟୁ ପରେ ଏହି ପଦବୀ ଖାଲି ପଡିଥିଲା । ଏହି ନିର୍ବାଚନରେ 9ଟି ପଞ୍ଚାୟତର ପଞ୍ଚାୟତ ସମିତି ସଭ୍ୟମାନେ ଭାଗନେଇଥିଲେ । ଉପନିର୍ବାଚନ ପାଇଁ ଦିନ ୧୨.୩୦ରୁ ମତଦାନ ଆରମ୍ଭ ହୋଇଥିଲା । ତେବେ ବୁଥରେ ଶାନ୍ତି ଶୃଙ୍ଖଳା ମତଦାନ ହୋଇଥିବା ସୂଚନା ମିଳିଛି । ମତଦାନକୁ ଅବାଧ ଓ ନିରପେକ୍ଷ କରିବା ପାଇଁ ନିର୍ବାଚନ ଅଧିକାରୀଙ୍କ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଥିଲା । ଶାନ୍ତି ଶୃଙ୍ଖଳା ରକ୍ଷା କରିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଥିଲା।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
