ବାରିପଦା: ମୟୂରଭଞ୍ଜ ଜିଲ୍ଲାଦେଇ ଯାଇଥିବା ୧୮ ନମ୍ବର ଜାତୀୟ ରାଜପଥ କୁଳିଅଣା ଥାନା ଅନ୍ତର୍ଗତ ସହରୀ ଛକ ନିକଟରୁ ଏକ ଷଣ୍ଡ ବୋଝେଇ ଟ୍ରକକୁ ଜବତ କରିଛି ପୋଲିସ ।
ଷଣ୍ଢ ବୋଝେଇ ଟ୍ରକ ଜବତ, ୧୯ ଷଣ୍ଡ ଉଦ୍ଧାର
ସୂଚନାନୁଯାୟୀ କୁଳିଅଣା ଥାନା ଅନ୍ତର୍ଗତ ସହରୀ ଛକ ନିକଟ ଏକ ଷଣ୍ଡ ବୋଝେଇ ଟ୍ରକ କୌଣସି କାରଣ ବଶତଃ ଖରାପ ହୋଇ ରାସ୍ତା ପାର୍ଶ୍ଵରେ ଛିଡ଼ା ହୋଇଥିଲା । ସ୍ଥାନୀୟ ଲୋକ ସନ୍ଦେହରେ ଟ୍ରକ ଉପରେ ଚଢ଼ି ଦେଖିବାରୁ ୧୯ ରୁ ଉର୍ଦ୍ଧ୍ବ ଷଣ୍ଡ ବୋଝେଇ ହୋଇଥିବା ଦେଖିବାକୁ ପାଇଥିଲେ । ସ୍ଥାନୀୟ ଲୋକେ ଏ ନେଇ କୁଳିଅଣା ପୋଲିସକୁ ଖବର ଦେଇଥିଲେ ଖବର ପାଇ ଘଟଣାସ୍ଥଳରେ କୁଳିଅଣା ପୋଲିସ ପହଞ୍ଚି ଟ୍ରକକୁ ଜବତ କରିବା ସହ ୧୯ ଟି ଷଣ୍ଡକୁ ଉଦ୍ଧାର କରିଛି । ତେବେ ପୋଲିସ ଟ୍ରକ ଡ୍ରାଇଭରକୁ ଅଟକ ରଖି ତଦନ୍ତ କରୁଥିବା ବେଳେ ଟ୍ରକରେ ଥିବା ଅନ୍ୟ ଦୁଇଜଣ ସହଯୋଗୀ ଘଟଣା ସ୍ଥଳରୁ ଫେରାର ହୋଇଥିବା ଜଣାପଡିଛି । ଉଦ୍ଧାର ହୋଇଥିବା ୧୯ ଷଣ୍ଡକୁ ପୋଲିସ କରଞ୍ଜିଆ ଗୋଶାଳାକୁ ପଠାଇଥିବା ଜଣାପଡ଼ିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
