ରାଇରଙ୍ଗପୁର: ସହରରେ ପୁଣି ଧଳାଜହର କାରବାର । ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଟାଉନ ଥାନା ପୋଲିସ ରାଇରଙ୍ଗପୁର ବସ ଷ୍ଟାଣ୍ଡରେ ଚଢାଉ କରି ଜଣେ ଯୁବକକୁ ଗିରଫ କରିବା ସହିତ ବ୍ରାଉନସୁଗାର ଜବତ କରିଛି । ତେବେ ଅଭିଯୁକ୍ତଙ୍କ ଠାରୁ ୬.୦୭୦ ଗ୍ରାମର ବ୍ରାଉନସୁଗାର ଜବତ କରିଛି ପୋଲିସ । ଗିରଫ ହୋଇଥିବା ଅଭିଯୁକ୍ତ ଜଣଙ୍କ ଝାଡଖଣ୍ଡ ରାଜ୍ୟ ଆଦିତ୍ୟପୁରର ଅବଦୁଲ କୁଏମ ।
ରାଇରଙ୍ଗପୁରରୁ ବ୍ରାଉନସୁଗାର ଜବତ, ଜଣେ ଗିରଫ
ଘଟଣାରୁ ମିଳିଥିବା ସୂଚନା ଅନୁସାରେ ଉକ୍ତ ଯୁବକ ଜଣକ ଝାଡଖଣ୍ଡରୁ ଆସି ରାଇରଙ୍ଗପୁର ଅଞ୍ଚଳରେ ପୂର୍ବରୁ ବ୍ରାଉନସୁଗାର ବିକ୍ରି କରିଆସୁଥିଲା । ବିଶେଷ ସୂତ୍ରରୁ ପୋଲିସ ଖବର ପାଇ ଟ୍ରାକିଂ ଚଳାଇଥିଲା । ତେବେ ଆଜି ବାଇକରେ ଆସି ରାଇରଙ୍ଗପୁର ବସଷ୍ଟାଣ୍ଡରେ ଡିଲ କରିବା ପୂର୍ବରୁ ପୋଲିସ ଚଢ଼ାଉ କରି ଘଟଣାସ୍ଥଳରୁ ବ୍ରାଉନସୁଗାର ଜବତ କରିବା ସହ ଅଭିଯୁକ୍ତକୁ ଗିରଫ କରିଛି । ଆସନ୍ତାକାଲି ଅଭିଯୁକ୍ତକୁ କୋର୍ଟ ଚାଲାଣ କରାଯିବ ବୋଲି ରାଇରଙ୍ଗପୁର ଟାଉନ ଥାନା ଅଧିକାରୀ ସୂଚନା ଦେଇଛନ୍ତି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
