ବାରିପଦା: ଗୋରୁ ଖୋଜିବାକୁ ଯାଇଥିବାବେଳେ ଭାଲୁ ଆକ୍ରମଣରେ ଯୁବକ ଗୁରୁତର । ଆକ୍ରମଣ ସମୟରେ ଯୁବକଙ୍କ 2ଟି ଆଖି ତାଡି ନେଇଛି ଭାଲୁ । ଏଭଳି ଅଭାବନୀୟ ଘଟଣା ଘଟିଛି ମୟୂରଭଞ୍ଜ ଜିଲ୍ଲା ଉଦଳା ରେଞ୍ଜ କଟରା ସାହିଗାଁରେ ।
ସୂଚନାମୁତାବକ, ଯୁବକ ଜଣକ ହେଲେ କଟରା ସାହି ଗାଁର ଦାମ ଟୁଡୁ । ଶୁକ୍ରବାର ସନ୍ଧ୍ୟାରେ ଦାମ ଘର ପଛପଟ ବାଡିକୁ ଗୋରୁ ଖୋଜିବାକୁ ଯାଇଥିବାବେଳେ ଭାଲୁ ହାବୁଡରେ ପଡିଯାଇଥିଲେ । ଭାଲୁ ଦାମଙ୍କ ମୁହଁକୁ ଆକ୍ରମଣ କରିଥିବାବେଳେ ତାଙ୍କର ଦୁଇ ଆଖି ତାଡି ଦେଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ଦାମଙ୍କ ପାଟି ଶୁଣି ପରିବାର ଲୋକେ ଦାମଙ୍କୁ ଭାଲୁ କବଳରୁ ଉଦ୍ଧାର କରି ଗୁରୁତର ଅବସ୍ଥାରେ ଉଦଳା ଡାକ୍ତରଖାନାରେ ଭର୍ତ୍ତି କରିଥିଲେ । ତାଙ୍କର ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ ବାରିପଦା ସ୍ଥାନାନ୍ତର କରାଯାଇଛି । ବନ ବିଭାଗ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
