ବାରିପଦା: ରାଜ୍ୟବ୍ୟାପୀ ଆଜି ସକାଳ ୮ଟା ରୁ ପୌର ନିର୍ବାଚନ ଆରମ୍ଭ ହୋଇଥିବା ବେଳେ ବାରିପଦା ପୌରପରିଷଦ ପାଇଁ ଶାନ୍ତି ଶୃଙ୍ଖଳାର ସହ ଭୋଟିଂ ଚାଲିଛି । ସହରରେ ୨୮ ୱାର୍ଡ ରହିଥିବା ବେଳେ ୨୬ ୱାର୍ଡରେ ଭୋଟ ପାଇଁ ୮୨ ହଜାର ୨୨୨ ମତଦାତା ନିଜ ନିଜର ମତଦାନ କରୁଛନ୍ତି । ଦୁଇଟି ୱାର୍ଡରେ ୱାର୍ଡ କାଉନସିଲର ପୂର୍ବରୁ ଅପ୍ରତିଦ୍ୱନ୍ଦୀ ଭାବେ ନିର୍ବାଚିତ ହୋଇଛନ୍ତି ।
ULB Polls: ବାରିପଦାରେ ୨୬ ଟି ୱାର୍ଡ ପାଇଁ ୮୨ ବୁଥରେ ଭୋଟ ଗ୍ରହଣ
ତେବେ ନିର୍ବାଚନ ପ୍ରକ୍ରିୟା ଶାନ୍ତିଶୃଙ୍ଖଳାରେ ସାରିବା ପାଇଁ ପ୍ରଶାସନ ଓ ପୋଲିସ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି। ନିର୍ବାଚନ ପ୍ରକ୍ରିୟାକୁ ତଦାରଖ କରିବା ପାଇଁ ମୟୁରଭଞ୍ଜ ଜିଲ୍ଲାପାଳ ଓ ଏସ.ପି ବୁଥ ଗୁଡିକ ବୁଲି ଦେଖୁଛନ୍ତି । ବାରିପଦା ପୌର ପରିଷଦରେ ପୌରାଧକ୍ଷ ପଦ ପାଇଁ ୧୬ ଜଣ ପ୍ରାର୍ଥୀ ପ୍ରତିଦ୍ବନ୍ଦିତା କରୁଥିବା ବେଳେ ୨୬ ଟି ୱାର୍ଡ ପାଇଁ ମୋଟ ୧୧୨ ଜଣ କାଉନସିଲର ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି ଭୋଟର। ଏହି ମତଦାନ ପ୍ରକ୍ରିୟା ଆଜି ସନ୍ଧ୍ୟା ୫ ଟା ପର୍ଯ୍ୟନ୍ତ ଜାରି ରହିବ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
