ରାଇରଙ୍ଗପୁର: ମୟୂରଭଞ୍ଜ କରଞ୍ଜିଆ ଥାନା ଅନ୍ତର୍ଗତ ଚଢେଇଭୋଳ ନିକଟରେ ଅଭାବନୀୟ ଘଟଣା ଦେଖିବାକୁ ମିଳିଛି। ୪୯ ନମ୍ବର ଜାତୀୟ ରାଜପଥ ଚଢ଼େଇଭୋଳ ନାଳ ନିକଟରେ ଏକ ୧୦ ରୁ ୧୧ ବର୍ଷର ନାବାଳିକାକୁ କୌଣସି ଦୁର୍ବୁତ୍ତ ଦୁଷ୍କର୍ମ ପରେ ମୁର୍ମୁଷ ଅବସ୍ଥାରେ ଛାଡି ପଳାଇଥିବା ଅନୁମାନ କରୁଛି ପୋଲିସ।
ନାଳରୁ ମୁର୍ମୁଷ ଅବସ୍ଥାରେ ଅଜଣା ନାବାଳିକା ଉଦ୍ଧାର
ପାରିପାର୍ଶ୍ବିକ ସ୍ଥିତିରୁ ଏହା ଦୁଷ୍କର୍ମ ଘଟଣା ହୋଇଥିବା ଅନୁମାନ କରୁଥିଲେ ବି ପ୍ରକୃତ ଘଟଣା ଜଣା ପଡ଼ିନାହିଁ । ତେବେ ଘଟଣାସ୍ଥଳରୁ ପୋଲିସ ନାବାଳିକାକୁ ଉଦ୍ଧାର କରି କରଞ୍ଜିଆ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଛି । ତେବେ ବର୍ତ୍ତମାନ ସୁଦ୍ଧା ନାବାଳିକାର ପରିଚୟ ମିଳି ପାରିନଥିବାବେଳେ, ଏନେଇ ଅଧିକ ତଦନ୍ତ ଜାରି ରଖିଛି କରଞ୍ଜିଆ ଥାନା ପୋଲିସ ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
