ରାଇରଙ୍ଗପୁର: ପ୍ରଥମେ ପ୍ରେମ ନିବେଦନ, ସେଥିରେ ବିଫଳ । ଶେଷରେ ଯୁବତୀଙ୍କୁ ଦୁଷ୍କର୍ମ କରି ଫଟୋ ଭାଇରାଲ କରିଛି ଯୁବକ । ଏଭଳି ନିନ୍ଦନୀୟ ଘଟଣା ଘଟିଛି ମୟୂରଭଞ୍ଜ ଜିଲ୍ଲାର ଗୋରୁ ମହିଷାଣୀ ଥାନା ଅଞ୍ଚଳରେ । ପୀଡିତାଙ୍କ ପରିବାରଲୋକେ ଥାନାରେ ଅଭିଯୋଗ କରିବା ପରେ ମାମଲା ସାମ୍ନାକୁ ଆସିଛି ।
ତେବେ ଗୋରୁମହିଷାଣୀ ଅଞ୍ଚଳର ଅଭିଯୁକ ଯୁବକ ଦୀର୍ଘ ଦିନରୁ ପୀଡିତାଙ୍କୁ ପ୍ରେମ ନିବେଦନ କରି ଆସୁଥିଲେ । ହେଲେ ପ୍ରେମରେ ବିଫଳ ହେବା ପରେ ସେ ଗତ ଏପ୍ରିଲ 15 ତାରିଖରେ ଯୁବତୀଙ୍କୁ ଏକ ପାହାଡକୁ ନେଇ ଦୁଷ୍କର୍ମ କରିଥିଲେ । ଏସମ୍ପର୍କରେ କାହାକୁ ଜଣାଇଲେ ଜୀବନରୁ ମାରି ଦେବାକୁ ଧମକ ମଧ୍ୟ ଦେଇଥିଲା ଅଭିଯୁକ୍ତ । ପରେ ଗତ 5 ତାରିଖରେ ଯୁବତୀଙ୍କ ଅଶ୍ଲିଳ ଫଟୋକୁ ସୋସିଆଲ ମିଡିଆରେ ଭାଇରାଲ କରିଛି ଯୁବକ ।
ଏନେଇ ପୀଡିତାଙ୍କ ପରିବାର ଲୋକ ଗୋରୁମହିଷାଣୀ ଥାନାରେ ଲିଖିତ ଅଭିଯୋଗ କରିଛନ୍ତି । ଏନେଇ ପୋଲିସ ଏକ ମାମଲା ରୁଜୁ କରି ପୀଡିତାଙ୍କୁ ଡାକ୍ତରୀ ମାଇନା ପାଇଁ ପଠାଇଛି । ରିପୋର୍ଟ ଆସିବା ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପୋଲିସ କହିଛି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
