ରାଇରଙ୍ଗପୁର: ମୟୂରଭଞ୍ଜରେ ପିକଅପ୍ ଭ୍ୟାନ ଓଲଟି ଚାଳକଙ୍କ ମୃତ୍ୟୁ ଘଟିଛି । ପିକଅପ ଭ୍ୟାନଟି ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିବା ସୂଚନା ।
ଓଲଟିଲା ପଣସ ବୋଝେଇ ପିକଅପ ଭ୍ୟାନ, ଚାଳକ ମୃତ
ଆଜି(ଶୁକ୍ରବାର) ସନ୍ଧ୍ୟା ସମୟରେ କେନ୍ଦୁଝର ଜିଲ୍ଲା ମାଛଗୋଡ଼ ଅଞ୍ଚଳରୁ ଏକ ପିକଅପ ଭ୍ୟାନ ପଣସ ଭର୍ତ୍ତି କରି ମୟୂରଭଞ୍ଜର ଠାକୁରମୁଣ୍ଡା ଅଞ୍ଚଳକୁ ଯାଉଥିଲା । ଏହି ସମୟରେ ଭ୍ୟାନଟି ସାରୁବିଲ ନାଳ ନିକଟରେ ଭାରସାମ୍ୟ ହରାଇ ଏକ ଗଛକୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ ପିକଅପ ଭ୍ୟାନ ଡ୍ରାଇଭରଙ୍କ ମୃତ୍ୟୁ ଘଟିଛି ।
ମୃତକ ଜଣକ ଯସିପୁରା ଅଞ୍ଚଳର ସିପୁନ ମହାନ୍ତ ବୋଲି ଜଣାପଡିଛି । ସେପଟେ ଠାକୁରମୁଣ୍ଡା ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ତଦନ୍ତ ଆରମ୍ଭ କରିଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
