ରାଇରଙ୍ଗପୁର: ମାସ୍କ ଓ ହେଲମେଟ ଚେକିଂ ବେଳେ ବାଇକ ଧକ୍କାରେ ପୋଲିସ କର୍ମଚାରୀ ଆହତ । ମୟୂରଭଞ୍ଜ ଜିଲ୍ଲା ରରୁଆଁ ଥାନା ବେନୀସାଗର ଛକରେ ଘଟିଛି ଏପରି ଘଟଣା । ବେଣୀସାଗର ଛକରେ ଅମାନିଆ ବାଇକ ଚାଳକଙ୍କୁ ସାବାଡ କରିବା ପାଇଁ ରରୁଆଁ ପୋଲିସ ପକ୍ଷରୁ ହେଲମେଟ ଏବଂ ମାସ୍କ ଚେକିଂ ଚାଲିଥିଲା । ହେଲେ ଚେକିଂ ଚାଲିଥିବା ସମୟରେ ଏକ ବାଇକ ଦୃତ ଗତିରେ ଆସି ହାବିଲଦାର ଅକ୍ଷୟ କୁମାର ପାତ୍ରଙ୍କୁ ଧକ୍କା ଦେଇଥିଲା ।
ହେଲମେଟ, ମାସ୍କ ଚେକିଂ ବେଳେ ବାଇକ ଧକ୍କାରେ ପୋଲିସ ହାବିଲଦାର ଆହତ
ଫଳରେ ହାବିଲଦାର ଘଟଣାସ୍ଥଳରେ ଆହତ ହୋଇପଡିଥିଲେ । ତାଙ୍କୁ ଆହତ ଅବସ୍ଥାରେ ରରୁଆଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ସେଠାରେ ତାଙ୍କର ଚିକିତ୍ସା ଜାରି ରହିଛି । ଉକ୍ତ ଘଟଣାରେ ଜଶିପୁର ଥାନା ଟିଙ୍ଗିରିଆ ଗ୍ରାମର ବାଇକ ଚାଳକ ଦୁସ୍ମନ୍ତ ନାଏକକୁ ରରୁଆଁ ଥାନାରେ ଅଟକ ରଖିବା ସହିତ ବାଇକକୁ ଜବତ କରିଛି ରରୁଆଁ ଥାନା ପୋଲିସ ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
