ରାଇରଙ୍ଗପୁର: ଟ୍ରେନ ଆଗକୁ ଡେଇଁ ବୃଦ୍ଧାଙ୍କ ଆତ୍ମହତ୍ୟା ଉଦ୍ୟମ । ଗରୁତର ଅବସ୍ଥାରେ ମୃତ୍ୟୁ ସହ ଲଢୁଛନ୍ତି। ଏପରି ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲାର ରାଇରଙ୍ଗପୁର ଟାଉନଥାନା ଅଧିନସ୍ଥ ସାନପାଖଣା ନିକଟସ୍ଥ ବଡବଣ ରେଳଲାଇନ ପୋଲ ନିକଟରେ। ଗୁରୁତର ହୋଇଥିବା ବୃଦ୍ଧା ଜଣଙ୍କ ସାନପାଖଣାଗ୍ରାମର ଯମୁନା ଲୋହାର (୬୦)।
ବାଦାମପାହାଡରୁ ଟାଟା ନଗର ଅଭିମୁଖେ ଯାଉଥିବା ଟ୍ରେନଟି ଦିନ ପ୍ରାୟ ୧୧.୩୫ ସମୟରେ ସାନପାଖଣା ନିକଟସ୍ଥ ବଡବଣ ରେଳ ଲାଇନ ପୋଲ ଅତିକ୍ରମ କରୁଥିଲା। ଏହି ସମୟରେ ଯମୁନା ନିଜ ଜୀବନ ହାରିବା ଉଦ୍ଦେଶ୍ୟରେ ଟ୍ରେନ ସମ୍ମୁଖକୁ ଡେଇଁ ପଡିଥିଲେ। ଫଳରେ ଦ୍ରୁତ ବେଗରେ ଯାଉଥିବା ଟ୍ରେନ ସହ ପିଟି ହୋଇଯିବାରୁ ସେ କ୍ଷତାକ୍ତ ଅବସ୍ଥାରେ ତଳେ ପଡିଯାଇଥିଲେ।
ଚେତାଶୂନ୍ୟ ହୋଇପଡିଯିବା ପରେ ଯମୁନାଙ୍କୁ ରେଳ କର୍ମଚାରୀ ତାଙ୍କୁ ଉଦ୍ଧାର କରି ଅଁଳାଯୋଡି ରେଲୱେ ଷ୍ଟେସନକୁ ଆଣିଥିଲେ । ସେଠାରୁ ତାଙ୍କୁ ୧୦୮ ଆମ୍ବୁଲାନ୍ସ ଯୋଗେ ରାଇରଙ୍ଗପୁର ଡାକ୍ତରଖାନା ଅଣାଯାଇଥିଲା। ଗୁରୁତର ଅବସ୍ଥାରେ ବୃଦ୍ଧାଙ୍କ ଚିକିତ୍ସା ଜାରି ରହିଛି। ମାନସିକ ଭାରସ୍ୟାମ ହରାଇ ମହିଳା ଜଣକ ଏପରି ଚରମ ନିଷ୍ପତ୍ତି ନେଇଥିବା ଜଣାପଡିଛି।
ରାଇରଙ୍ଗପୁର ସଞ୍ଜୟ କୁମାର ପରିଡା, ଇଟିଭି ଭାରତ
