ରାଇରଙ୍ଗପୁର : ତିରିଂ ଥାନା ଅନ୍ତର୍ଗତ ଭାଲୁଗଡ଼ା ଗ୍ରାମରେ ଅଘଟଣ । ପୋଖରୀରେ ବୁଡ଼ି 3 ବର୍ଷର ଶିଶୁପୁତ୍ରର ମୃତ୍ୟୁ ହୋଇଥିବା ଖବର ସାମ୍ନାକୁ ଆସିଛି । ଭାଲୁଗଡା ଗ୍ରାମ ବୁରୁସାହିରେ ଥିବା ଏକ ପୋଖରୀରେ ଏପରି ଅଘଟଣ ଘଟିଛି । ମୃତ ଶିଶୁ ଜଣକ ଭାଲୁଗଡ଼ା ବୁରୁସାହିର ସୁନା ଦେହୁରୀଙ୍କ 3 ବର୍ଷୀୟ ପୁତ୍ର ଶୁକ୍ରା ଦେହୁରୀ ।
ମିଳିଥିବା ସୂଚନା ଅନୁସାରେ ୩ ବର୍ଷର ଶିଶୁ ପୁତ୍ରଟିକୁ ଧରି ମା ଗାଧୋଇବା ପାଇଁ ନିକଟସ୍ଥ ପୋଖରୀକୁ ଯାଇଥିଲେ । ମହିଳା ଜଣଙ୍କ ଲୁଗା ସଫା କରୁଥିବାବେଳେ ଶିଶୁଟି ପାଣିରେ ପଡିଯାଇଥିଲା । ତେବେ ଅସାବଧାନତାବଶତଃ ମହିଳା ଜଣଙ୍କ ମଧ୍ୟ ତାହା ଜାଣି ପାରିନଥିଲେ । ତେବେ କିଛି ସମୟ ପରେ ଶିଶୁଟିର ମୃତଦେହ ପାଣିରେ ଭାସୁଥିବା ଦେଖିବାକୁ ମିଳିଥିଲା । ତେବେ ମହିଳା ଜଣଙ୍କର ଅସାବଧାନତା ଯୋଗୁ ଶିଶୁ ପୁତ୍ରଟିର ମୃତ୍ୟୁ ଘଟିଥିବାବେଳେ ଗାଁରେ ଏକ ପ୍ରକାରର ଶୋକର ଛାୟା ଖେଳିଯାଇଛି । ଏ ନେଇ ତିରିଂ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
