ବାରିପଦା: କୋଭିଡ ଯୋଦ୍ଧାଙ୍କୁ ସମ୍ମାନିତ କଲା ମୋରଡ଼ା ଲୋଧା ଉନ୍ନୟନ ସଂସ୍ଥା । ୭୪ ତମ ସ୍ବାଧୀନତା ଦିବସ ଅବସରରେ କୋଭିଡ ଯୋଦ୍ଧା ମାନଙ୍କୁ ସମ୍ମାନିତ କରିଛି ମୋରଡ଼ା ଲୋଧା ଉନ୍ନୟନ ସଂସ୍ଥା ।
ମୟୂରଭଞ୍ଜ ଜିଲ୍ଲା ମୋରଡ଼ା ବ୍ଲକ ମୋରଡ଼ା ଲୋଧା ଉନ୍ନୟନ ସଂସ୍ଥାର ସମ୍ମିଳନୀ କକ୍ଷରେ ଆୟୋଜିତ ଓଡିଶା ଆଦିମ ଜନଜାତି ଓ ଜୀବିକା ସଶକ୍ତିକରଣ କାର୍ଯ୍ୟକ୍ରମ ଜରିଆରେ ଅନୁଷ୍ଠିତ ଏହି ସମ୍ବର୍ଦ୍ଧନା ସଭାରେ ଆଶାକର୍ମୀ, ଅଙ୍ଗନବାଡ଼ି କର୍ମୀ, ଲୋଧା ମହିଳା, ମହିଳା ସ୍ବାସ୍ଥ୍ୟକର୍ମୀ ଓ ସାମ୍ବାଦିକ ମାନଙ୍କୁ ସମ୍ବର୍ଦ୍ଧିତ କରାଯାଇଛି । କୋରୋନା ମହାମାରୀ ସମୟରେ ନିଜ ଜୀବନକୁ ବାଜି ଲଗାଇ ଲୋକଙ୍କ ପାଇଁ କାମ କରିଥିବା କୋଭିଡ ଯୋଦ୍ଧାଙ୍କୁ ମାନପତ୍ର ଦେଇ ସମ୍ବର୍ଦ୍ଧିତ କରିଛନ୍ତି । ଏହା ସହ କୋଭିଡ-୧୯ ମହାମାରୀ ସଚେତନତା ସମ୍ପର୍କରେ ଆଲୋଚନା ହୋଇଥିଲା ।
ଏହି ଅବସରରେ ଲୋଧା ଉନ୍ନୟନ ସଂସ୍ଥାର ସ୍ବତନ୍ତ୍ର ଅଧିକାରୀ ମହେଶ ପ୍ରସାଦ ମହାପାତ୍ର, ପ୍ରକଳ୍ପ ପରିଚାଳକ ଗୌରୀଶଙ୍କର ହୋତା,ଓ ପିଇଏଲଆଇପି ସଂସ୍ଥାର ସୋସିଆଲ ମୋବିଲାଇଜର ମମତା ଗ୍ରହାଚାର୍ଯ୍ୟ, ଜେଇ ତ୍ରିଲୋଚନ ସେନାପତି ପ୍ରମୁଖ ଯୋଗଦେଇଥିଲେ ।
ମୟୁରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
