ରାଇରଙ୍ଗପୁର: ମୟୂରଭଞ୍ଜ ଜିଲ୍ଲାରେ ପୁଣି ଲଜ୍ଜାଜନକ ଘଟଣା। ଜଣେ 5 ବର୍ଷର ଶିଶୁକନ୍ୟାକୁ 45 ବର୍ଷୀୟ ବ୍ୟକ୍ତି ଦୁଷ୍କର୍ମ କରିଥିବା ଅଭିଯୋଗ । ମୟୂରଭଞ୍ଜ ଜିଲ୍ଲା କରଞ୍ଜିଆ ଥାନା ଅଧୀନସ୍ଥ ଏକ ଗାଁରେ ଶିଶୁ ଦିବସ ଭଳି ପବିତ୍ର ଦିନରେ ଘଟିଛି ଏଭଳି ଅଭାବନୀୟ ଘଟଣା ।
ପୁଣି ଲଜ୍ଜା, 5 ବର୍ଷର ଶିଶୁକନ୍ୟାକୁ ଦୁଷ୍କର୍ମ ଅଭିଯୋଗ
ପୀଡିତାଙ୍କ ପରିବାର ପକ୍ଷରୁ କରଞ୍ଜିଆ ଥାନାରେ ଏକ ଲିଖିତ ଅଭିଯୋଗ ହୋଇଛି । ବର୍ତ୍ତମାନ ପୀଡିତାଙ୍କ ଅବସ୍ଥା ଗୁରୁତର ଥିବାବେଳେ ଗୁରୁବାର ରାତିରୁ କରଞ୍ଜିଆ ଡାକ୍ତରଖାନାରେ ଭର୍ତ୍ତି କରାଯାଇଛି । ଅଭିଯୋଗ ପାଇବା ପରେ କରଞ୍ଜିଆ ପୋଲିସ ଗତକାଲି ରାତିରେ ଅଭିଯୁକ୍ତକୁ ଥାନାକୁ ଆଣି ପଚରାଉଚରା ଜାରି ରଖିଥିଲେ।
ଘଟଣାର ସତ୍ୟତା ଜାଣିବା ପରେ ଅଭିଯୁକ୍ତକୁ ଗିରଫ କରି ଆଜି ଡାକ୍ତରୀ ମାଇନା କରାଯିବ । ଶନିବାର ଅଭିଯୁକ୍ତକୁ ବାରିପଦା ପୋସ୍କୋ କୋର୍ଟ ଚାଲାଣ କରାଯିବ ବୋଲି କରଞ୍ଜିଆ ଥାନା ଅଧିକାରୀ ସୂଚନା ଦେଇଛନ୍ତି । ନିକଟରେ ଜିଲ୍ଲାରେ କ୍ରମାଗତ ଭାବେ ଦୁଷ୍କର୍ମ ମାମଲା ସାମନାକୁ ଆସିଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡ଼ା, ଇଟିଭି ଭାରତ
